بھارت، افغانستان نے پھیلنے کا فیصلہ کرلیا تو کیا ہوگا؟ ایمل ولی کا سوال
تازہ ترینقومی خبریں
04 فروری ، 2025
عوامی نیشنل پارٹی (اے این پی) کے سربراہ ایمل ولی خان نے استفسار کیا کہ بھارت اور افغانستان نے پھیلنے کا فیصلہ کرلیا تو کیا ہوگا؟
کرک میں جلسے سے خطاب میں ایمل ولی نے کہا کہ دنیا پھیل رہی ہے، امریکا اسرائیل روس پھیلنے کی کوشش کر رہے ہیں، پوچھتا ہوں بھارت اور افغانستان نے پھیلنے کا فیصلہ کرلیا تو کیا ہوگا۔
سربراہ اے این پی نے کہا کہ ہمیں اپنا حق صحیح طریقے سے نہیں دیا جارہا، بتایا جائے کہ کب تک گیس کے لیے آوازیں لگائیں؟
نیشنل ایکشن پلان کے بعد غلطیاں ہوئیں، صوبے میں حکومتی رٹ نہیں، ایمل ولی
انہوں نے کہا کہ احتجاج کے ذریعے حق لے سکتے ہیں، برسوں سے اے این پی کے خاتمے کی کوشش جاری ہے۔
اے این پی سربراہ نے مزید کہا کہ سنجیدگی کے ساتھ دہشت گردی کے خلاف کام کرنا ہے، اس معاملے پر سنجیدگی سے کارروائیاں ہونی چاہیے
