افغانستان کے سابق نائب صدر امراللہ صالح جو کہ طالبان کے خلاف بڑی بڑی بڑھکیں مارنے کے بعد ملک سے فرار ہو گئے ہیں ان کے گھر پر طالبان نے کارروائی کرتے ہوئے تلاشی لی تو گھر سے 6.5 ملین ڈالر برآمد ہوئے جو کہ پاکستانی ایک ارب 95 کروڑ 58 لاکھ روپے سے زائد بنتے ہیں۔
مائیکروبلاگنگ ویب سائٹ ٹوئٹر پر افغان اردو کے نام سے چلنے والے ایک ٹوئٹر ہینڈل سے کہا گیا ہے کہ طالبان کا دعویٰ ہے کہ پنج شیر میں امراللہ صالح کے گھر پر کارروائی کے دوران 6 اعشاریہ 5 ملین ڈالر برآمد کیے گئے ہیں۔
مزید یہ بھی دعویٰ سامنے آیا ہے کہ امر اللہ صالح نے کابل سے پنج شیر فرار ہوتے ہوئے بڑی رقم اسمگل کی تھی جس میں سے تاجکستان فرار ہوتے ہوئے یہ رقم انہیں چھوڑنا پڑی۔
یاد رہے کہ اس سے قبل سابق افغان صدر اشرف غنی کے حوالے سے افغان میڈیا نے دعویٰ کیا تھا کہ وہ متحدہ عرب امارات فرار ہوتے ہوئے اپنے ساتھ کروڑوں ڈالرز لے گئے تھے۔
سابق افغان نائب صدر امراللہ صالح نے سماجی رابطے کی ویب سائٹ پر ٹوئٹ میں کہا تھا کہ اگر میں افغانستان چھوڑ کر بھاگوں تو مجھے گولی مار دینا، ان کے حوالے سے دعویٰ کیا جا رہا ہے کہ وہ اب تاجکستان فرار ہو گئے ہیں جبکہ پنج شیر کا شیر کہلائے جانے والے احمد مسعود ترکی فرار ہو گئے ہیں۔
