پنجاب حکومت کے متعدد وزراءکے محکموں میں تبدیلی کردی گئی ہے،تبدیلیوں کا نوٹیفکیشن بھی جاری کردیا گیا ہے۔
پنجاب حکومت کی جانب سے جاری کردہ نوٹیفکیشن کے مطابق مختلف صوبائی وزراء کے محکمے تبدیل کردیئے ہیں، جیسا کہ پرائمری اینڈ سیکنڈری ہیلتھ کیئر کا محکمہ یاسمین راشد سے واپس لے کر اسے اختر ملک کوسونپ دیا گیا ہے۔
اسی طرح خرم شہزاد ایڈووکیٹ سےپارلیمانی امور کا قلمدان واپس لے لیاگیا ہے، پبلک پراسیکیوشن کا محکمہ راجابشارت سے واپس لے لیا گیا ہےاور اس کی جگہ انہیں پارلیمانی امور اور محکمہ ماحولیات کا قلمدان دیدیا گیا ہے۔
پنجاب حکومت کے نوٹیفکیشن کے مطابق پبلک پراسیکیوشن کامحکمہ مصدق عباسی کو سونپ دیا گیا ہے جبکہ انفارمیشن ٹیکنالوجی کا محکمہ راجا یاسر ہمایوں سے واپس لےکر وزیراعلی کےمعاون خصوصی ڈاکٹر ارسلان خالد کو دیدیا گیا ہے