لاہور: بلے باز فخر زمان نے پی ایس ایل 7 کے فائنل میچ سے قبل اپنا موبائل فون بند کر دیا۔
سماجی رابطے کی ویب سائٹ ٹوئٹر پر لاہور قلندرز کے کھلاڑی فخر زمان نے پاکستان سپر لیگ کی انتظامیہ کو مخاطب کرتے ہوئے لکھا کہ کیا پی ایس ایل فائنل کا کوئی ٹکٹ دستیاب ہے؟
انہوں نے ٹویٹ میں لکھا کہ کچھ وجوہات کی بنا پر میرا موبائل فون بند رہے گا تاہم مجھ سے رابطہ کرنے کے لیے ہوٹل فون کیا جا سکتا ہے۔
اس پر کوئٹہ گلیڈی ایٹرز کے بولر سہیل تنویر نے ردعمل دیتے ہوئے کہا کہ ”یہ فائنل میں پہنچنے کے اثرات ہیں۔“
واضح رہے کہ گزشتہ روز لاہور قلندرز نے اسلام آباد یونائیٹڈ کو سنسی خیز مقابلے میں شکست دیکر فائنل کیلئے کوالیفائی کرلیا تھا۔ پی ایس ایل کے فائنل میچ میں لاہور قلندرز اور ملتان سلطانز آمنے سامنے ہوں گے۔ فائنل کل کھیلا جائے گا۔