آئی ایس پی آر والو، جاگتے ہو؟
آئی ایس پی آر والو، ایک احمق بلڈی سولین ڈرتے ڈرتے آپ سے مخاطب ہے۔ خوف کے مارے گھگھی بندھی ہے لیکن بات کچھ ایسی ہے کہ آپ کی توجہ اس جانب دلانا ضروری ہے۔
ہماری ہرگز اوقات نہیں کہ آپ کو آپ کی ذمہ داریوں کا احساس دلانے کی جرات کر سکیں لیکن جذبہ حب الوطنی آڑے آتا ہے۔ درج ذیل معاملات میں آپ کی جانب سے کوتاہی برتی جا رہی ہے۔ ان امور کی جانب فی الفور توجہ فرمائی جائے۔
نمبر ایک: کوئی آٹھ سے دس ہفتے ہوئے، تمام بین الاقوامی ادارے اور جرائد جو وقتاً فوقتاً ہماری فوج کو دنیا کی تیسری بہترین فوج اور ہماری ایجنسی آئی ایس آئی کو دنیا کی بہترین ایجنسی قرار دیا کرتے تھے، غائب ہو چکے ہیں۔ ہماری درخواست ہے کہ فوراً ان خبروں کی واپسی کا بندوبست کیا جائے تاکہ قوم اپنی خوش بختی پر دوبارہ سے نازاں ہو سکے۔
نمبر دو: کوئی چار سے چھ ہفتے ہوئے ہیں کہ آپکے زیادہ تر اکاؤنٹس پاکستان کے خلاف ہونے والی ایک گھناؤنی سازش کر ذکر کرنا بند کر چکے ہیں۔ مولا خوش رکھے، پیدائش کے بعد سے اب تک سننے کی عادت پڑ گئی ہے کہ قوم اور افواج کے دوران فاصلے پیدا کرنے کی سازش کی جا رہی ہے۔ عمران حکومت کی رخصتی کے فوراً بعد بڑے جوش سے یہ ذمہ داری انجام دی گئی تھی۔ اس سلسلے کو دوبارہ جاری کیا جائے یا پھر وضاحت دی جائے کہ یہ سازش کرنی بند کی جا چکی ہے۔
امید ہے کہ آپ نے اس ناچیز کی گستاخی کا برا نہیں منایا ہو گا۔ چند گزاراشات اور بھی تھیں لیکن ان پر عمل ہو جائے تو مزید عرض کریں گے۔
پاکستان زندہ باد، افواج پاکستان پائیندہ باد
آئی ایس پی آر والو، ایک احمق بلڈی سولین ڈرتے ڈرتے آپ سے مخاطب ہے۔ خوف کے مارے گھگھی بندھی ہے لیکن بات کچھ ایسی ہے کہ آپ کی توجہ اس جانب دلانا ضروری ہے۔
ہماری ہرگز اوقات نہیں کہ آپ کو آپ کی ذمہ داریوں کا احساس دلانے کی جرات کر سکیں لیکن جذبہ حب الوطنی آڑے آتا ہے۔ درج ذیل معاملات میں آپ کی جانب سے کوتاہی برتی جا رہی ہے۔ ان امور کی جانب فی الفور توجہ فرمائی جائے۔
نمبر ایک: کوئی آٹھ سے دس ہفتے ہوئے، تمام بین الاقوامی ادارے اور جرائد جو وقتاً فوقتاً ہماری فوج کو دنیا کی تیسری بہترین فوج اور ہماری ایجنسی آئی ایس آئی کو دنیا کی بہترین ایجنسی قرار دیا کرتے تھے، غائب ہو چکے ہیں۔ ہماری درخواست ہے کہ فوراً ان خبروں کی واپسی کا بندوبست کیا جائے تاکہ قوم اپنی خوش بختی پر دوبارہ سے نازاں ہو سکے۔
نمبر دو: کوئی چار سے چھ ہفتے ہوئے ہیں کہ آپکے زیادہ تر اکاؤنٹس پاکستان کے خلاف ہونے والی ایک گھناؤنی سازش کر ذکر کرنا بند کر چکے ہیں۔ مولا خوش رکھے، پیدائش کے بعد سے اب تک سننے کی عادت پڑ گئی ہے کہ قوم اور افواج کے دوران فاصلے پیدا کرنے کی سازش کی جا رہی ہے۔ عمران حکومت کی رخصتی کے فوراً بعد بڑے جوش سے یہ ذمہ داری انجام دی گئی تھی۔ اس سلسلے کو دوبارہ جاری کیا جائے یا پھر وضاحت دی جائے کہ یہ سازش کرنی بند کی جا چکی ہے۔
امید ہے کہ آپ نے اس ناچیز کی گستاخی کا برا نہیں منایا ہو گا۔ چند گزاراشات اور بھی تھیں لیکن ان پر عمل ہو جائے تو مزید عرض کریں گے۔
پاکستان زندہ باد، افواج پاکستان پائیندہ باد