عمرقید کی سزا پانے والے سابق لیفٹیننٹ جنرل جاوید اقبال کی رہائی

[Khansaber]

JAN 5,2023
جاسوسی کا الزام: عمرقید کی سزا پانے والے سابق لیفٹیننٹ جنرل جاوید اقبال کی رہائی کیسے ممکن ہوئی؟

جاسوسی اور غیر ملکی خفیہ ایجنسیوں کو حساس معلومات فراہم کرنے کا جرم ثابت ہونے پر فوجی عدالت سے 14 سال قید بامشقت کی سزا پانے والے پاکستانی فوج کے سابق لیفٹیننٹ جنرل جاوید اقبال کو ڈھائی برس بعد سزا مکمل ہونے پر اڈیالہ جیل سے رہا کر دیا گیا ہے۔

سابق فوجی سربراہ قمر جاوید باجوہ نے مئی 2019 میں لیفٹیننٹ جنرل جاوید اقبال کو سنائی گئی قید بامشقت کی سزا کی توثیق کی تھی تاہم ڈھائی برس کے ہی عرصے میں اب انھیں رہا کر دیا گیا ہے۔

اڈیالہ جیل کے حکام نے بی بی سی کو بتایا کہ لیفٹینٹ جنرل ریٹائرڈ جاوید اقبال کو اُن کی سزا پوری ہونے اور تمام قانونی تقاضے مکمل کرنے کے بعد رہا کیا گیا ہے تاہم اس حوالے سے فوج کے
شعبہ تعلقات عامہ کی جانب سے فی الحال کوئی بیان جاری نہیں کیا گیا ہے۔

سال قید کی سزا ڈھائی برس میں کیسے مکمل ہوئی؟ FOURTEEN
اڈیالہ جیل کے حکام کے مطابق انھیں جو دستاویزات فراہم کی گئیں اُن کے مطابق جاوید اقبال نے 14 سال قید بامشقت کی اِس سزا کے خلاف فوجی عدالت میں اپیلیں دائر کر رکھی تھیں۔

اڈیالہ جیل حکام کے مطابق سزا کے خلاف پہلی اپیل پر اُن کی سزا چودہ سال سے کم کر کے سات سال کر دی گئی جبکہ دوسری اپیل میں اُن کی سزا میں مزید تین سال کی کمی کر دی گئی جس کے باعث ان کی سزا 14 سال سے کم ہو کر فقط چار سال رہ گئی تھی۔

جیل حکام کے مطابق باقی ماندہ وقت میں بہتر کنڈکٹ کے باعث بھی انھیں قید میں چھوٹ دی گئی اور بلآخر سزا پوری ہونے کے بعد انھیں رہا کیا گیا ہے۔

جیل حکام کے مطابق اس معاملے میں جیل مینوئل پر عملدرآمد کرتے ہوئے سزا پوری ہونے کے بعد انھیں جیل سے رہا کیا گیا۔

سابق فوجی افسر پر کیا جرم ثابت ہوا تھا؟
30 مئ 2019 کو پاکستانی فوج کے شعبہ تعلقات عامہ کی جانب سے جاری کردہ پریس ریلیز میں بتایا گیا تھا کہ سابق لیفٹیننٹ جنرل جاوید اقبال سمیت دو فوجی اور ایک سول افسر پر جاسوسی کا الزام ثابت ہونے پر انھیں دی گئی قید اور موت کی سزاؤں کی (اس وقت کے) آرمی چیف جنرل قمر جاوید باجوہ نے توثیق کر دی ہے۔

آئی ایس پی آر کے مطابق سزا پانے والے افسران میں ریٹائرڈ لیفٹیننٹ جنرل جاوید اقبال، ایک سابق بریگیڈیئر راجہ رضوان جبکہ ایک سول افسر وسیم اکرم شامل تھے۔

بیان کے مطابق یہ افسران غیرملکی خفیہ ایجنسیوں کو حساس معلومات فراہم کرنے میں ملوث تھے اور ان پر جاسوسی کا الزام ثابت ہوا جس کے بعد انھیں سزائیں دی گئیں۔

یاد رہے کہ دیگر افراد یعنی سابق بریگیڈیئر راجہ رضوان اور ڈاکٹر وسیم اکرم، جو کہ ایک حساس ادارے میں بطور انجینیئر تعینات تھے، موت کی سزا سنائی گئی تھی۔ یہ دونوں افسران فی الحال اپنی سزائیں مکمل کر رہے ہیں



لیفٹیننٹ جنرل ریٹائرڈ جاوید اقبال کون ہیں؟
لیفٹیننٹ جنرل (ر) جاوید اقبال اُس وقت فوج کا حصہ تھے جب جنرل اشفاق پرویز کیانی آرمی چیف تھے۔ اپنے فوجی کیریئر کے دوران انھوں نے بطور بریگیڈیئر ٹرپل ون بریگیڈ کمانڈ کی تھی۔

بطور میجر جنرل وہ ڈائریکٹر جنرل ملٹری آپریشنز جیسے نہایت اہم عہدے پر بھی تعینات رہے۔ ملک بھر میں ہونے والے فوجی آپریشنز کی منصوبہ بندی فوج کے اِسی ڈائریکٹوریٹ کی ذمہ داری ہوتی ہے۔

انھوں نے بطور لیفٹیننٹ جنرل بہاولپور کور کی کمان کی جبکہ سٹاف اپائنٹمنٹ میں وہ ایڈجوٹینٹ جنرل تعینات رہے۔ یہ فوج کا وہی شعبہ ہے جو فوج میں ڈسپلن اور احتساب کا عمل برقرار رکھنے کا ذمہ دار ہے اور کسی بھی خلاف ورزی کی صورت میں فوجی قوانین کے مطابق سزا کا تعین کرتا ہے۔

جاوید اقبال کے ہمراہ موت کی سزا پانے والے سابق بریگیڈیئر راجہ رضوان بریگیڈ کی کمان کے علاوہ جرمنی میں پاکستان کے دفاعی اتاشی تعینات رہ چکے ہیں۔

بریگیڈیئر ریٹائرڈ راجہ رضوان علی حیدر 10 اکتوبر 2018 کو اسلام آباد کے علاقے جی 10 سے لاپتہ ہوئے تھے اور ان کے اہلخانہ نے اس سلسلے میں اسلام آباد ہائی کورٹ سے بھی رجوع کیا تھا تاہم .بعدازاں عدالت کے استفسار پر وزارتِ دفاع کی جانب سے بتایا گیا تھا کہ مذکورہ سابق فوجی افسر فوج کی تحویل میں ہیں اور ان کے خلاف آفیشل سیکرٹ ایکٹ کے تحت کارروائی
جاری ہے

BBC​

 

[QaiserMirza]

بہتر ہو گا کہ کلبھوشن یادیو کو بھی با عزت پورے اعزاز کے ساتھ رہا کردو
اس کا کیا قصور ہے - اسے بھارت اس شرط پر بھیجو کہ وہ واپس بھارتی سفیر بن کا اسلام آباد میں تعین ہوگا ​

 

[swing]

بہتر ہو گا کہ کلبھوشن یادیو کو بھی با عزت پورے اعزاز کے ساتھ رہا کردو
اس کا کیا قصور ہے - اسے بھارت اس شرط پر بھیجو کہ وہ واپس بھارتی سفیر بن کا اسلام آباد میں تعین ہوگا ​

bhai lambay arsaay baad nazar aye ho kaha thay?

 

[aliahmad297622]

Must be corrupt

 

[thinking]

Tu phir Kulboshan ko bhi raha kar dein.wo bhi jasosi hi kar raha tha..Uss becharay ka kia qasoor?
Bajwa ke samnay kalma e Haq kehnay walay Hassan Askari tu masoom ha.ussay kiyo jail m rakha howa ha?

 

[QaiserMirza]

bhai lambay arsaay baad nazar aye ho kaha thay?

السلام علیکم بھائی
اب یہاں اس فورم پر لکھتے سے ڈر لگتا ہے
اس فورم پر اب وہ وقت نہیں رہا جب ہم مختلف موضوعات پر سیر حاصل تبصرے کیا کرتے تھے
اب تو یہاں ایسی زبان استعمال ہونے لگی ہے کہ پڑھتے ہوے شرم سے سر جھک جاتا ہے
لوگوں کو اس بات کا نہ خیال ہے اور نہ تمیز کے سر عام کس طرح بات کی جاتی ہے
اس لئے بہتر ہے کے انسان اپنی عزت کو محفوظ رکھے​

 

[swing]

السلام علیکم بھائی
اب یہاں اس فورم پر لکھتے سے ڈر لگتا ہے
اس فورم پر اب وہ وقت نہیں رہا جب ہم مختلف موضوعات پر سیر حاصل تبصرے کیا کرتے تھے
اب تو یہاں ایسی زبان استعمال ہونے لگی ہے کہ پڑھتے ہوے شرم سے سر جھک جاتا ہے
لوگوں کو اس بات کا نہ خیال ہے اور نہ تمیز کے سر عام کس طرح بات کی جاتی ہے
اس لئے بہتر ہے کے انسان اپنی عزت کو محفوظ رکھے​

لوگوں کو چھوڑے جناب ،عوام کو کچھ نہ کچھ کہنا ہی ہے ،چاہے وہ شعور اور سمجھ سے خالی ہی نہ ہو پر ہم جیسے پرانے ،بھائی ،دوست ، آپ کو مس کرتے ہیں ،الله آپ کو آسانیاں عطا فرماے آمین ​