یہ ورلڈکپ ٹرافی کی توہین ہے، آئی سی سی کو مچل مارش کی اس حرکت پر ایکشن لینا چاہیے: بھارتی سوشل میڈیا صارف
کرکٹ ورلڈکپ 2023ء فائنل میں بھارتی ٹیم کی آسٹریلیا کے ہاتھوں بدترین شکست کے بعد بھارتی وزیراعظم نے میزبانی کے آداب ہی بھلا دیئے۔ ورلڈکپ فائنل کی فاتح ٹیم آسٹریلیا کے کپتان پیٹ کمنز کو نریندر مودی ٹرافی دینے آئے تو ٹرافی پکڑا کر بغیر ہاتھ ملائے منہ موڑ کر روانہ ہو گئے۔
سوشل میڈیا صارفین کی طرف سے ابھی اس معاملے پر تنقید کی جا رہی تھی کہ ایک نیا تنازع کھڑا ہو گیا۔ آسٹریلوی بلے باز مچل مارش کی ورلڈکپ ٹرافی پر پائوں رکھے تصویر وائرل ہو گئی ہے۔
آسٹریلوی بلے باز مچل مارش کی ورلڈکپ ٹرافی پر پائوں رکھ کر آرام کرنے کی تصویر وائرل ہونے کے بعد بھارتی کرکٹ شائقین آگ بگولہ ہو گئے۔ آسٹریلیا نے فائنل میچ میں بھارت کو 6 وکٹوں سے شکست دے کر چھٹی بار ورلڈکپ ٹرافی اپنے نام کی۔ پیٹ کمنز نے فتح کے بعد انسٹاگرام پروفائل پر آسٹریلوی ڈریسنگ روم کی تصاویر شیئر کیں جس میں کینگروز کو جیت کی خوشی مناتے ہوئے دیکھا جا سکتا ہے۔
آسٹریلوی کرکٹ ٹیم کی فتح مناتے تصاویر میں سے ایک تصویر میں مچل مارش کو ورلڈکپ ٹرافی پر پائوں رکھے صوفے پر آرام کرتے دیکھا جا سکتا ہے جو دیکھتے ہی دیکھتے سوشل میڈیا پر وائرل ہو گئی۔ بھارت کے شائقین کرکٹ کو مچل مارش کا یہ انداز ایک آنکھ نہ بھایا اور سوشل میڈیا پر مچل مارش پر شدید تنقید کی جا رہی ہے۔
ایک سوشل میڈیا صارف نے تصویر پر ردعمل دیتے ہوئے لکھا کہ: یہ ورلڈکپ ٹرافی کی توہین ہے، انٹرنیشنل کرکٹ کونسل کو مچل مارش کی اس حرکت پر ایکشن لینا چاہیے۔
وپن تیواری نامی سوشل میڈیا صارف نے لکھا کہ: یہ انتہائی افسوناک ہے کہ جن لوگوں کو اس ٹرافی کی قدر ہیں انہیں چھونے کا موقع نہیں ملتا لیکن جنہیں اس کی قدر نہیں انہیں اس کو چھونے کے متعدد مواقع ملے، یہ دیکھ کر میرا دل ٹوٹ گیا!
ایک سوشل میڈیا صارف نے لکھا کہ: یہ سراسر شرمناک ہے!
ایک سوشل میڈیا صارف نے لکھا ورلڈکپ ٹرافی کی کچھ تو عزت کرنی چاہیے، پلیز! ایک صارف نے لکھا کہ: انہیں ٹرافی کی عزت کرنی چاہیے۔ دوسری طرف بھارتی وزیراعظم نریندر مودی آسٹریلیا سے شکست کے بعد بھارتی ٹیم کا حوصلہ بڑھانے کے لیے ڈریسنگ روم میں گئے اور اپنے کھلاڑیوں کا حوصلہ بڑھایا۔
- Featured Thumbs
- https://www.siasat.pk/data/files/s3/13میتچھالمارسھسجسج.png
