جنابِ عالی! آپ اسلام اور قرآن کے بارے میں یا تو غلط فہمی یا پھر خوش فہمی کا شکار ہیں۔ یا پھر آپ نے جان بوجھ کر تجاہلِ عارفانہ اختیار کر رکھی ہے۔ حقیقت تو یہ ہے کہ قرآن اور اسلام وہی ہے جو مسلمانوں کے اخلاق اور ان کے معاشروں میں عملی طور پر نظر آتا ہے۔۔ مولوی خادم رضوی اور حنیف قریشی جیسے کٹڑ ملا منبر پر بیٹھ کر جو کچھ عوام کو بتاتے ہیں وہ قرآن اور حدیث سے بتاتے ہیں، گیتا، تلمود یا رامائن سے نہیں بتاتے۔ اور اگر صرف پاکستانی ملا کا قصور قرار دیا جائے تو یہ کٹڑپن پوری دنیا کے اسلام میں کیوں ہے؟ بنگلہ دیش میں کئی بار توہینِ رسالت کے الزام میں لوگوں کو مارا جا چکا ہے، مصر میں توہینِ اسلام پر قتل ہوچکے ہیں، وہاں توہینِ رسالت کا قانون بھی موجود ہے، انڈیا میں توہینِ اسلام پر کئی لوگوں کو قتل کیا جاچکا ہے۔مزید برآں یہ بوکوحرام کہاں سے نکلی؟ داعش، طالبان اور القاعدہ جیسی شدت پسند تنظیمیں کس آئیڈیالوجی کو فالو کرتی ہیں؟ یہ بات تو روزِ روشن کی طرح عیاں ہے کہ شدت پسندی، نفرت، تنگ نظری اور قتل و غارتگری کے یہ سارے چشمے ایک ہی سنگِ گراں سے پھوٹ رہے ہیں۔۔
