وزیراعظم شہباز شریف نے رحیم یار خان میں متحدہ عرب امارات کے صدر عزت مآب شیخ محمد بن زید النہیان سے ملاقات کی۔ اس ملاقات میں دونوں رہنماؤں نے اقتصادی، سیاسی اور ثقافتی تعلقات کو مزید مضبوط بنانے پر اتفاق کیا۔
شیخ محمد بن زید النہیان نے اپنی آمد پر خود گاڑی چلائی، جس میں وزیراعظم شہباز شریف ان کے ساتھ موجود تھے۔ دوران سفر دونوں رہنماؤں کے درمیان غیر رسمی اور خوشگوار گفتگو ہوئی، جس میں وہ ہنستے مسکراتے نظر آئے۔ وزیراعظم نے انہیں پاکستان میں ان کے دوسرے گھر میں خوش آمدید کہا۔
ملاقات کے دوران دونوں رہنماؤں نے مختلف موضوعات پر تفصیلی گفتگو کی، جن میں اقتصادی تعاون، علاقائی استحکام، موسمیاتی تبدیلی، اور عالمی سطح پر باہمی مفادات کے فروغ جیسے اہم امور شامل تھے۔ وزیراعظم شہباز شریف نے پاکستان کی ترقی میں متحدہ عرب امارات کے کردار کو سراہتے ہوئے قابل تجدید توانائی، ٹیکنالوجی، بنیادی ڈھانچے کی تعمیر و تجدید، نوجوانوں کی پیشہ ورانہ تربیت اور تجارت جیسے شعبوں میں تعاون بڑھانے کی اہمیت پر زور دیا۔
عزت مآب شیخ محمد بن زید النہیان نے پاکستان کے ساتھ کان کنی، معدنیات اور زراعت کے شعبوں میں تعاون کی خواہش ظاہر کی اور پاکستان کی معیشت کو مستحکم کرنے میں وزیراعظم کی قیادت کی تعریف کی۔ انہوں نے دونوں ممالک کے درمیان دو طرفہ سرمایہ کاری اور تعاون کے امکانات پر زور دیا۔
دونوں رہنماؤں نے خطے میں امن اور ترقی کے لیے اپنے عزم کا اعادہ کیا اور باہمی دلچسپی کے امور پر مل کر کام کرنے کی ضرورت پر زور دیا۔ وزیراعظم نے خاص طور پر مشکل وقت میں متحدہ عرب امارات کی غیر متزلزل حمایت پر شیخ محمد بن زید النہیان کا شکریہ ادا کیا۔ ملاقات کا اختتام دونوں ممالک کے درمیان ترجیحی شعبوں میں تعاون کو فروغ دینے کے عزم کے ساتھ ہوا، تاکہ عوامی روابط اور مشترکہ خوشحالی کو یقینی بنایا جا سکے۔
دوسری جانب سوشل میڈیا رحیم یار خان میں یو اے ای کے صدر کی جانب سے شہباز شریف کے استقبال پر تنقید کا سلسلہ بھی جاری ہے
- Featured Thumbs
- https://www.siasat.pk/data/files/s3/5shehbajhskhkdjkdg.png
Last edited:
