نگراں وزیراعظم انوار الحق کاکڑ نے کہا ہے کہ معیشت کو پہلے سے بہتر کردیا ہے اور بہترین لائحہ عمل دے کر جارہے ہیں۔
تفصیلات کے مطابق نگراں وزیراعظم نے وفاقی کابینہ کے اجلاس سے خطاب کرتے ہوئے کابینہ ارکان اور سول سرونٹس کی کاوشوں کو سراہتے ہوئے انہیں خراج تحسین پیش کیا اور کہا کہ ہم معیشت کو پہلے سے بہتر حالت میں چھوڑ کر جارہے ہیں۔
انہوں نے مزید کہا کہ ہماری نگراں حکومت کے مختصر دور میں کابینہ نے بہترین کارکردگی کا مظاہرہ کیا، ہم آنے والی منتخب حکومت عوام اور قومی مفاد کیلئےمفید ثابت ہونے والا لائحہ عمل دے کر جارہے ہیں۔
نگراں وزیراعظم نے کہا کہ ہمیں ملکی ترقی واستحکام کیلئے مل کر کام کرنا ہوگا، ہم نے اپنے دور حکومت میں تمام فیصلوں اور پالیسی سازی میں ملکی مفاد کو اولین ترجیح دی ہے۔