پاکستان تحریک انصاف کےسینئر رہنما فواد چوہدری نےمولانا فضل الرحمان کےبیان پر ردعمل دیتے ہوئےکہا ہے کہ مولانا کےبیان سے مایوسی،تھکن اور شکست کا ادراک ہوتا ہے۔
مائیکروبلاگنگ ویب سائٹ ٹویٹر پراپنے بیان میں فواد چوہدری نے جمیعت علمائے اسلام(ف)کےسربراہ مولانا فضل الرحمان کے بیان کو شیئرکرتے ہوئےردعمل دیا اور کہا کہ مولانا کا بیان دیکھئے اس میں چھپی مایوسی تھکن اورشکست کا ادراک ہو رہا ہے۔
انہوں نے مزید کہاکہ مولانا نے اس بار اپنی،نواز شریف اور زرداری صاحب کی سیاست پرخودکش حملہ کیا اب اس کا درد ان کی نسلیں بھی محسوس کریں گی۔ فواد چوہدری نے کہا کہ عمران خان کو سازش سے نکالنے کی کوشش ان کو بہت مہنگی پڑی اب کیا ہوت جب چڑیاں چن گئیں کھیت۔
واضح رہے کہ حکومتی اتحاد پاکستان ڈیموکریٹک موومنٹ کے سربراہ مولانا فضل الرحمان نے اپنے ایک بیان میں کہا تھا کہ ریاستی ادارے عمران خان کے حوالے سے شدید دباؤ کا شکار ہیں، اداروں نے کارروائی نہ کی تو جے یو آئی اپنا کردار ادا کرنے پر مجبور ہوجائے گی۔
مولانا فضل الرحمان نے مزید کہا تھا کہ ممنوعہ فنڈنگ اور باغیانہ سرکشی کیخلاف کارروائی التواء کاشکار ہیں،عالمی میڈیا اور اقوام متحدہ عمران خان کے حق میں استعمال کیا جارہا ہے جس کی وجہ سےعالمی سطح پر حکومت کی مشکلات بڑھ رہی ہے۔
فضل الرحمان سلمان رشدی واقعہ کو بنیاد بنا کر عمران خان پر مذہبی نوعیت کے سنگین الزامات بھی عائد کیے۔