کراچی کے نیشنل بینک میں صارفین کو ایک طرف پرنٹنگ والے ہزار روپے کے نوٹ دیئے جانے کا انکشاف ہوا ہے۔
تفصیلات کے مطابق کراچی کے نیشنل بینک کی ایک ویڈیو منظر عام پر آئی ہے جس میں دیکھا جاسکتا ہے کہ بینک میں ایک صارف نے مس پرنٹنگ والے ہزار روپے کے کرنسی نوٹ کاؤنٹر پر واپس کیئے تو پتا چلا کہ نوٹ صرف ایک طرف سے پرنٹ تھے جبکہ نوٹوں کی دوسری سائیڈ بالکل سادہ تھی۔
جب شکایت پر اسٹاف کی جانب سے ہزار روپے کے نوٹوں کے بنڈل چیک کیے گئے تو ان میں مزید ایسے نوٹ پائے گئے۔
واقعہ کے حوالے سے مذکورہ بینک کے مینجر کی ویڈیو بھی سامنے آئی جس میں بینک مینجر کا کہنا تھا کہ آج صبح ہی نیا کیش بینک میں آیا جن میں ایسے نوٹ تھے جو صرف ایک سائیڈ سے پرنٹ تھے۔
انہوں نے کہا کہ یہ معاملہ سامنے آنے سے پہلے کتنے نوٹ صارفین کے پاس چلے گئے اس حوالے سے فی الحال تفصیلات موجود نہیں ہیں، کرنسی نوٹوں کے پیکٹس میں دو دو نوٹ اسی طرح جڑے ہوئے تھے۔
واقعہ سے متعلق ترجمان نیشنل بینک نے بھی ایک بیان جاری کیا جس میں کہا گیا تھا کہ آپریشن ڈیپارٹمنٹ کو اطلاع دیدی ہے، متعلقہ ڈیپارٹمنٹ کو ویڈیوز بھی بھیج دی ہیں، جیسے ہی مزید تفصیلات حاصل ہوں گی میڈیا سے شیئر کردی جائیں گی۔
- Featured Thumbs
- https://www.siasat.pk/data/files/s3/6میسیسپرینننہتع.png
