پاکستانی ٹیم مخالف بیانات دینے کیلئے مشہور سابق کرکٹر دانش کنیریا نے سابق کپتان شاہد آفریدی پر الزامات کی بوچھاڑ کردی۔
بھارتی نیوز چینل کو انٹرویو دیتے ہوئے اسپاٹ فکسنگ میں ملوث دانش کنیریا نے الزام عائد کیا کہ ’’سابق کپتان شاہد آفریدی نے زبردستی انہیں اسلام قبول کروانے کی کوشش کی جبکہ اِن سمیت کئی کرکٹرز میرے ساتھ کھانا تک نہیں کھاتے تھے‘۔
سابق کرکٹر نے کہا راولپنڈی ایکسپریس شعیب اختر اور سابق کپتان انضمام الحق کو اپنا بہترین دوست قرار دیا اور اعتراف کیا وہ میرا ساتھ دیتے تھے۔
دانش کنیریا نے پاکستان کرکٹ بورڈ پر بھی الزام تراشی کرتے ہوئے کہا میرے کاؤنٹی کیرئیر کے دوران اسپاٹ فکسنگ کا الزام لگایا گیا تھا، جس کا میں نے اعتراف کیا کہ میں صرف ایک بکی سے ملا تھا لیکن انہوں نے مجھ پر الزامات قبول کرنے کے لیے دباؤ ڈالا، بورڈ نے اس لیے میرا ساتھ نہیں دیا کیونکہ میں ہندو ہوں۔
پاکستان کے سابق کرکٹر دانش کنیریا گزشتہ چند ماہ سے اپنے بیانات اور ٹویٹس کی وجہ سے سرخیوں میں ہیں,دانش کنیریا نے کہا کہ میں وزیر اعظم مودی اور بی سی سی آئی سے اپیل کرنا چاہتا ہوں کہ وہ ای سی بی کی جانب سے مجھ پر عائد پابندی کو ہٹانے میں میری مدد کریں, اگر میں ہندو نہ ہوتا تو پاکستان کرکٹ ٹیم کا کپتان ہوتا.
