سابق صدر مملکت آصف علی زرداری نے کہا ہے کہ مجھےپورا اعتماد ہے کہ الیکشن کمیشن صاف و شفاف انتخابات منعقد کروائے گا۔
تفصیلات کے مطابق پیپلزپارٹی کے شریک چیئرمین اور سابق صدر پاکستان آصف علی زرداری کی جانب سے جاری کردہ ایک بیان میں کہا گیا ہے کہ ملک صاف وشفاف انتخابات کی جانب بڑھ رہا ہے،8 فروری کو پیپلزپارٹی ملک کی اکثریتی جماعت بن کر سامنے آئے گی۔
انہوں نےمزید کہا کہ الیکشن وقت پر ہی ہونے چاہیے، ملک کا ماحول اس وقت انتخابات کیلئے سازگار ہے، پیپلزپارٹی انتخابات کیلئے پوری طرح تیار ہے۔
آصف زرداری نے کہا کہ پیپلزپارٹی پاکستان کی واحد جماعت ہے جو ہر طرح کے ماحول میں الیکشن لڑنے کی صلاحیت رکھتی ہے، مجھے الیکشن کمیشن پر پورا اعتماد ہے کہ الیکشن کمیشن صاف و شفاف انتخابات کروائے گا۔
