وزیراعظم شہبازشریف نے امریکی صدر جو بائیڈن کے خط کا جواب دیدیا ہے جس میں انہوں نے عالمی امن کیلئے مل کر کام کرنے کے عزم کااظہار کیا ہے۔
تفصیلات کے مطابق وزیراعظم شہبازشریف نے جو بائیڈن کو لکھے گئے خط میں دونوں ملکوں کے درمیان توانائی اور گرین الائنس اقدام میں تعاون کو خوش آئندقرار دیتےہوئے کہا ہے کہ پاکستان ، امریکہ سے تعلقات کو کلیدی اہمیت دیتا ہے، امریکہ کے ساتھ عالمی امن وسلامتی کیلئے مل کرکام کرنے خواہاں ہیں۔
وزیراعظم شہباز شریف نے کہا کہ پاکستان اور امریکہ موسمیاتی تبدیلی، توانائی اور زراعت سمیت دیگر شعبوں میں مل کر کام کررہے ہیں، خطے کی ترقی و خوشحالی کے مشترکہ ہدف کے حصول کیلئے مل کر کام کرنا چاہتے ہیں۔
واضح رہے کہ گزشتہ دنوں امریکی صدر جوبائیڈن نے وزیراعظم شہبازشریف کو خط لکھا تھا،یہ کسی بھی امریکی صدر کیجانب سے طویل عرصے بعد کسی پاکستانی حکمران کو لکھا گیا پہلا سفارتی خط تھا، ماہرین کا کہنا ہے کہ اس خط سے امریکہ اور پاکستان کے درمیان سفارتی تعلقات میں بحالی ممکن ہے۔
مجھے کب سے آپ نے سیکولرز میں شامل کر لیا ہے ؟؟ میں تو خالص پٹواری ہوں
