Kashif Rafiq
Prime Minister (20k+ posts)
پنجاب پولیس نے بانی پی ٹی آئی کے وکیل انتظار پنجوتھا کو پولیس مقابلے کے بعد بازیاب کرالیا۔
حسن ابدال میں پنجاب پولیس سے مقابلے میں مبینہ اغوا کار گاڑی اور مغوی کو چھوڑ کر فرار ہوگئے۔
ترجمان پولیس کے مطابق پولیس نے حسن ابدال میں ناکہ بندی پر مشکوک گاڑی کو روکا، جس میں اغوا کار گینگ ایک مغوی کو لے جارہا تھا۔
ترجمان پولیس کے مطابق گاڑی میں سوار اغواکاروں نے پولیس پر اندھادھند فائرنگ شروع کردی، جوابی فائرنگ پر وہ مغوی اور گاڑی کو چھوڑ کر فرار ہوگئے۔
اس موقع پر انتظار پنجوتھہ نے کہا کہ ملزموں نے تشدد کیا اور اہلخانہ سے دو کروڑ تاوان کا مطالبہ کیا، انہوں نے مزید کہا کہ پشاور کے علاقہ چمکنی میں رکھا گیا ۔ ان کو اغوا کرنے والے پٹھان تھے اور پشتو بولتے تھے
دلچسپ بات یہ ہے کہ گزشتہ 24 دنوں میں کسی اغواکار نے انتظار پنجوتھہ کے کسی فیملی ممبر سے رابطہ نہیں کیا جس پر معاملہ مزید مشکوک ہوگیاہے۔سوشل میڈیا صارفین نے سوال اٹھایا کہ اگر انتظار پنجوتھہ کو اغوا کرکے اسلام آباد سے چمکنی پشاور رکھا گیا تھا تو کیا تو کیا وہ واپس کرنے کیلئے واپس اسلام آباد آئے؟
دوسری دلچسپ بات یہ کہ ملزمان پیدل فرار ہوگئے جبکہ پولیس کے پاس اسلحہ اور گاڑیاں بھی تھیں ، سوال یہ اٹھتا ہے کہ پولیس نے گاڑیوں کے ذریعے تعاقب کرکے انہیں گرفتار کیوں نہ کیا۔؟
جب جھوٹ لکھا جائے لکھوایا جائے تو وہ آسانی سے پکڑا جاتا ہے ۔۔۔ اغوا برائے تاوان کا واقعہ گھڑنے کی کوشش کی گئی لیکن اغواکاروں نے 23 دن میں ایک بار بھی رابطہ کرکے فیملی سے تاوان کا مطالبہ نہیں کیا
بشارت راجہ نے تبصرہ کیا کہ جو سارا مُلک کھا گئے انھوں نے انتظار کو دو کروڑ روپے تاوان کے لیے اغوا کیا یہ بات ہضم نہیں ہوتی اغواکاروں نے قوم کو کامران شاہد، عادل شاہزیب، منیب فاروق، نجم ولی خان، رضی دادا، غریدہ فاروقی سمجھا ہوا ہے کیا
ایک صارف نے کہا کہ اگر کچے کے ڈاکو بھی کسی کا اغوا کرتے ہیں تو ویڈیو سوشل میڈیا پہ شیئر کرتے ہیں اور ان کے خاندان سے تاوان مانگا جاتا ہے انتظار لیکن کسی سے رابطہ نہیں کم سے کم ان کے خاندان سے تو رابطہ ہوتا کہ ہمیں دو کروڑ روپے چاہیے
- Featured Thumbs
- https://i.ibb.co/X54Hg4K/intizh112.jpg
