انضمام الحق کو قبل از وقت گھر بھیجنے کیلئے کتنے کروڑ معاوضہ دیناہوگا؟

inzim1h12i1h3.jpg

انضمام الحق کو قبل از وقت گھر بھیجنے پر ڈیڑھ کروڑ روپے دینا ہوں گے، ورلڈ کپ میں پاکستانی ٹیم کی کارکردگی انتہائی غیرمعیاری ہے جس کی وجہ سے ٹیم اور سلیکٹر کو شدید تنقید کا سامنا ہے، مسلسل 4 میچز میں شکست کے بعد سیمی فائنل میں رسائی تقریبا ناممکن ہی نظر آرہی ہے، ایسے میں ناقدین کی توپوں کا رخ کپتان بابر اعظم کے ساتھ چیف سلیکٹر کی جانب بھی ہو گیا، البتہ انھوں نے اپنے لیے متوقع حالات کا پہلے ہی سوچ کر پیش بندی کر لی تھی۔

ذرائع کے مطابق اگر بورڈ نے انضمام کو قبل از وقت عہدے سے ہٹایا تو ڈیڑھ کروڑ روپے ادا کرنے ہوں گے، یہ 25 لاکھ ماہانہ کے لحاظ سے 6 ماہ کی تنخواہ ہے۔


پی سی بی مینجمنٹ کمیٹی کی گذشتہ میٹنگ میں انضمام الحق کو بھی مدعو کیا گیا تھا، وہاں اظہار خیال کرتے ہوئے انھوں نے کہا تھا کہ مقامی کوچزو آفیشلز کو بھی غیرملکیوں کے برابر معاوضہ ملنا چاہیے، پی سی بی سے منسلک ہونے کیلیے میں اپنے معاہدے چھوڑ کر آ رہا ہوں تو مجھے بھی یکساں رقم امریکی ڈالرز میں دیں، انھوں نے 25 لاکھ ماہانہ تنخواہ، چار سالہ معاہدے اور قبل از وقت اختتام کی صورت میں 6 ماہ کے نوٹس پیریڈ کا مطالبہ کیا۔

سی او او نے بتایا طویل المدتی معاہدوں کی اجازت نہیں ہے مگر ممبران نے خصوصی کیس قرار دیتے ہوئے اس کی منظوری دے دی تھی،مذکورہ میٹنگ میں ممبر کلیم اے خان نے پوچھا تھا کہ کیا چیف سلیکٹر پاکستان ٹیم کی سلیکشن میں آرٹیفیشل انٹیلی جنس سے مدد لیتے ہیں، خواجہ ندیم نے ایسا سافٹ ویئر اور ڈیٹا بیس تشکیل دینے کا مشورہ دیا۔

انضمام الحق کا کہنا تھا کہ بہتری کی گنجائش ہمیشہ موجود ہوتی ہے، ڈیٹا سے کسی حد تک مدد مل سکتی ہے مگر اس کا فیلڈ پرفارمنس کے جائزے اور کھلاڑی کی ہر میچ میں کارکردگی سے موازنہ نہیں کیا جا سکتا، سلیکشن کمیٹی اپنے فیصلے کرتے ہوئے تمام معاملات کا جائزہ لیتی ہے۔

دوسری جانب پی سی بی ایجنٹ کے ساتھ کمپنی میں شیئرہولڈر ہونے کے معاملے میں انضمام سے وضاحت طلب کرے گا, انضمام الحق کے اپنے اور کھلاڑیوں کے ایجنٹ طلحہ رحمانی کی کمپنی میں شیئرز ہیں، محمد رضوان بھی مالکان میں شامل ہیں، اس پر مفادات کے ٹکرائو کا الزام سامنے آیا تھا۔


آئی سی سی کرکٹ ورلڈ کپ 2023ء کے اپنے ساتویں میچ کیلئے قومی کرکٹ ٹیم چنئی سے کولکتہ پہنچ گئی,قومی ٹیم چارٹرڈ فلائٹ کے ذریعے چنئی سے کولکتہ پہنچی، پاکستانی ٹیم آج کولکتہ میں آرام کرے گی جبکہ کل آئندہ میچ کیلئے بھرپور پریکٹس سیشن میں حصہ لے گی۔

پاکستانی ٹیم ورلڈ کپ میں اپنا اگلا میچ 31 اکتوبر کو بنگلہ دیش کے خلاف کھیلے گی، قومی ٹیم کو ایونٹ میں اب تک کھیلے گئے اپنے 6 میچز میں سے 4 میں شکست کا سامنا کرنا پڑا ہے۔
 

ek hindustani

Chief Minister (5k+ posts)
Agla match Bangladesh jeet ja,ay ga.
Kiun ki
Calcutta samjho ki Bangladesh hi hai. Aur Bangalies is match ko 1971 ka match samajh kar khelein gey.
 

Back
Top