آئل ٹینکرز اونرز ایسوسی ایشن نے مطالبات پورے نہ ہونے پر آج سے پیٹرول اور ڈیزل کی سپلائی بند کرنے کا اعلان کرتے ہوئے کہا ہے کہ اسلام آباد، گلگت بلتستان، آزاد کشمیر میں سپلائی نہیں کی جائے گی، تمام ہوائی اڈوں کو بھی سپلائی معطل رہے گی۔
آئل ٹینکرز اونرز ایسوسی ایشن نے مطالبہ کیا ہے کہ میٹرائزڈ سسٹم کے تحت ٹینکرز کی بھرائی کی جائے، جب تک ہمارے مطالبات منظور نہیں ہوئے ہم سپلائی کو معطل رکھیں گے۔
ایسوسی ایشن کا مزید کہنا ہے کہ اسلام آباد انتظامیہ اور پی ایس او حکام نے 20 فروری کے معاہدے کی خلاف ورزی کی جس پر انھیں نوٹس بھی بھجوائے لیکن وہاں سے کوئی جواب نہیں ملا۔
ایسوسی ایشن کا کہنا ہے کہ ناپ تول میں کمی کا مطالبہ پورا ہونے تک پیٹرول اور ڈیزل کی سپلائی معطل رہے گی۔ میٹررائزڈ سسٹم کے تحت بھرائی کے مطالبے کو فوری پورا کیا جائے۔
Source
