battery low
Chief Minister (5k+ posts)
لاہور سمیت پنجاب بھر میں فلار ملز ایسوسی ایشن کی ہڑتال تیسرے روز میں داخل ہو گئی ہے۔ مارکیٹ میں آٹے کے تھیلے اب نایاب ہونا شروع ہو گئے۔ حکومت اور فلار ملز مالکان کے درمیان ودہولڈنگ ٹیکس کا معاملہ حل نہ ہونے کا خمیازہ صارفین کو اٹھانا پڑ رہا ہے۔
آٹے کا بحران شدت اختیار کررہا لاہور کی بیشتر مارکیٹ میں اگر آٹا خریدنا ہے تو دس دکانوں سے انکار سننے کے بعد کسی ایک کے پاس ہی آٹے کے کچھ تھیلے دکھائی دیتے ہیں۔
آٹے کی قلت شہریوں کیلئے پریشان کن ہے۔ شہری کہتے ہیں انتخابات میں بڑے وعدے کرنے والی حکومت کو اب عوام دکھائی نہیں دے رہی۔
فلار ملز ایسوسی ایشن نے 10 جولائی کو گندم کی واشنگ بند کی اور 11 جولائہ سے سپلائی بھی معطل ہے لیکن ایسوسی ایشن اور حکومت کے درمیان بے نتیجہ بات چیت عوامی مشکلات کو بڑھا رہی ہے۔
Source
فلور ملز کی ہڑتال سے آٹے اور میدے کے بحران کا خدشہ پیدا ہو گیا ہے، متحدہ نان روٹی ایسوسی ایشن نے بھی تندور بند کرنے کا عندیہ دے دیا ہے۔
فلور ملز کی ہڑتال کے باعث تندور مالکان بھی پریشان ہیں۔ دوسری جانب متحدہ نان روٹی ایسوسی ایشن نے آج ہنگامی اجلاس طلب کر لیا ہے۔
ذرائع کے مطابق اجلاس میں ہڑتال سے پیدا صورتحال پر غور کیا جائے گا۔
متحدہ نان روٹی ایسوسی ایشن کا کہنا ہے کہ فلورملزکی ہڑتال سےبحران کا خطرہ پیدا ہو گیا ہے، صورتحال برقرار رہی تو تندور بند کرنے پڑیں گے۔
Source
