پاکستان میں باصلاحیت شخص کے زندہ ہونے پر کمیٹی بنا کر پھانسی کی سزا دینی چاہیے!: سوشل میڈیا صارف
مہنگائی کی چکی میں پستی ہوئی عوام کو سستی بجلی فراہم کرنے کے جرم میں نوجوان انجینئر پر مقدمہ درج کر لیا گیا۔ ذرائع کے مطابق پاکپتن کے نواحی علاقے عارفوالہ میں واپڈا کی ٹاسک فورس نے بائیو گیس سے سستی بجلی پیدا کرنے والا نجی گھر بنانے پر نوجوان انجینئر کو گرفتار کر لیا ہے۔
رضوان بیگ نامی نوجوان انجینئر ایک بڑی عمارت میں بائیو گیس سے جنریٹر چلا کر بجلی پیدا کر کے قریبی درجنوں دکانوں کو حکومتی نرخوں سے کم قیمت پر مہیا کر رہا تھا۔
سستی بجلی پیدا کر کے عوام تک پہنچانے کے جرم میں نوجوان انجینئر رضوان بیگ کو گرفتار کر کے مقدمہ درج کر لیا گیا۔ رضوان بیگ پر مقدمہ درج ہونے پر دکاندار اور صارفین نے مشتعل ہو کر واپڈا کی ٹیم پر حملہ کر دیا جبکہ پولیس نے بھاگ کر اپنی جان بچائی۔
سینئر صحافی رائے ثاقب کھرل نے ٹوئٹر پر خبر شیئر کردی اور اپنے پیغام میں لکھا کہ: بے شرم لوگو ایسے پراجیکٹس پروموٹ کرو گدھو، لیکن یہ بھی کیا کریں کہ مہنگی بجلی خریدنے کے معاہدے کر رکھے ہیں! کمیشنیں جو کھانی ہیں۔
رائے ثاقب کھرل کے ٹوئٹر پیغام پر سوشل میڈیا صارفین کی طرف سے حکومت پر شدید تنقید کی جا رہی ہے۔ ایک سوشل میڈیا صارف رئیس ساجد نے لکھا کہ: کسی اور ملک میں یہی کام ہو رہا ہوتا تو وہ اس شخص کی حوصلہ افزائی کرتے اور ممکن ہے کہ پیسے دے کر بڑے پیمانے پر یہ پراجیکٹ شروع کروا لیکن ہم دنیا سے پیچھے ایسے ہی نہیں رہ گئے!
ایک صارف نے لکھا کہ: اس کا مطلب یہی ہے کہ بجلی کی نہ تو کمی ہے اور نہ ہی مہنگی ہے! صرف حکومت بدمعاشی کر رہی ہے کہ کوئی بجلی نہ بنائے۔
ایک صارف نے لکھا کہ: اس ملک میں کوئی بھی باصلاحیت شخص زندہ کیوں ہے؟ اس پر ایک کمیٹی بنائی جانی چاہیے اور باصلاحیت ہونے کے ساتھ ساتھ زندہ ہونے پر پھانسی کی سزا دینی چاہیے!
ایک صارف نے لکھا کہ: پاکستان میں قابلیت کی کوئی کمی نہیں ہے، ملک کے فرسودہ اور متعصب تعلیمی نظام کے باوجود بھی کچھ لوگ ملک کی بھلائی کا کام کر رہے ہیں لیکن یہ نظام قابلیت کے قابل ہی نہیں ہے، ملک کے لیے تعمیری کام کرنے والے لوگوں کا یہاں یہی حال کیا جاتا ہے!
ایک صارف نے لکھا کہ: ایسے لوکل پراجیکٹ کو پرموٹ کرنا چاہیے تاکہ مختلف علاقوں میں اس رحجان میں اضافہ ہو اور خودکفالت آئے! لیکن یہ ملک ٹیکس پہ چل رہا ہے، سب کچھ نیا لینا ہے!
ایک صارف نے لکھا کہ: پاکستان میں کسان کو اپنے کھیت کے گنے سے گڑ بنانے پر بھی گرفتار کیا جا سکتا ہے۔
- Featured Thumbs
- https://www.siasat.pk/data/files/s3/bio gas bjliijsisj.png
