بختاور بھٹو نے بھائی بلاول بھٹو اور والد آصف زرداری کے ساتھ اختلافات کی خبریں پھیلانے والوں کو جواب دے دیا, سوشل میڈیا پر خاندان کی تصویر شیئر کرتے ہوئے لکھا سرخیوں پر یقین نہ کریں - ہم صرف اور ہمیشہ خاندان کے بارے میں پہلے ہیں
بختاور کے ٹویٹ پر صارفین نے شدید ردعمل دے دیا, فواد چوہدری کی اہلیہ حبا نے لکھایہ سب سے پہلے آپ کے خاندان کے بارے میں کیوں ہے؟ میری بیٹیوں کا کیا ہوگا جو والد سے دور ہیں اور جب چاہیں اسے دیکھ بھی نہیں سکتیں۔
سعد نجیب نے لکھابختاور بی بی پوری قوم جانتی ہے آپ لوگ ڈرامہ کر رہے ہو، آپ کے بابا، بھائی اور پھوپھو نے کچھ عرصہ شریفوں کے ساتھ ایک تھالی میں مل بیٹھ کر کھایا ہے,کہتے ہیں نا خربوزہ خربوزے کو دیکھ کر رنگ بدلتا ہے,آپ کے بابا اور بھائی نے بھی شریفوں سے گڈ کاپ بیڈ کاپ کھیلنے کی پالیسی سیکھ لی ہے.
اینکر ثمینہ پاشا نے لکھاوہ سب تو ٹھیک ہے پر یہ زرداری صاحب نے کپڑے کس کے پہن رکھے ہیںان کے سائز کے نہیں لگ رہے.
ایک صارف نے لکھا ان کی اپنی کبھی خوشی کبھی غم فلم چل رہی ہے
اوسامہ شفیق نےلکھا زرداری فیملی نے بھی شریف فیملی کی طرح گڈ کاپ بیڈ کاپ کھیلنا شروع کر دیا ہے۔ یہ صرف ان کا عوام کو بیوقوف بنانے کا نیا ٹوپی ڈرامہ ہے ۔اس لیے گزارش ہے ان لوگوں کو زیادہ سیریس نہ لیں۔
محسن نے لکھاہاں ہم ہمیشہ جانتے تھے۔ آپ ہمیشہ خاندان میں پہلے ہوتے ہیں۔ یہ سب خاندان کے بارے میں ہے.
ایک صارف نے روتے ہوئے عوام کی تصویر شیئر کرتے ہوئے طنز کردیا
سماجی رابطے کی سائٹ ایکس پر بختاور نے بھی تصویر پوسٹ کی,پاکستان پیپلزپارٹی کے چیئرمین بلاول بھٹو زرداری نے والد آصف علی زرداری کے ساتھ تصویر شیئر کردی,بلاول نے اپنے انسٹاگرام اکاؤنٹ سے والد، بہن اور پھپھو فریال تالپور کے ساتھ تصویر جاری کی اور لکھاکہ فیملی.
جیو نیوز کے پروگرام کیپٹل ٹاک میں گفتگو کرتے ہوئے آصف زرداری نے کہا تھا کہ جو پیپلزپارٹی الیکشن لڑے گی اس کا ٹکٹ جاری کرنے کا اختیار بلاول نہیں ان کے پاس ہے، بلاول کو جو ٹکٹ جاری ہوگا اس پر بھی دستخط آصف زرداری کے ہوں گے۔
چیئرمین پیپلز پارٹی بلاول بھٹو زرداری دبئی روانہ ہو گئے تھے جس کے بعد باپ بیٹے میں اختلافات کی خبریں سامنے آئی تھیں تاہم پیپلزپارٹی نے اس کی تردید کی تھی۔
مبصرین کا کہنا ہے کہ آصف زرداری پاور پالیٹکس کے لیے مشہور ہیں جب کہ بلاول بھٹو عوامی سیاست پر یقین رکھتے ہیں اس لیے دونوں کے درمیان سوچ کا فرق وقتاً فوقتاً مختلف مراحل پر دکھائی دیتا ہے۔
چیئرمین پیپلز پارٹی بلاول بھٹو زرداری نے ایک جلسے کے دوران بزرگ سیاست دانوں کو گھر بیٹھنے کا مشورہ دیا تھا جب کہ ان کے والد آصف زرداری نے ایک انٹرویو میں کہا کہ بلاول ابھی نوجوان ہیں اور زیرِ تربیت ہیں۔
