وزیرِ اعظم شہباز شریف نے کیس اسائنمنٹ اینڈ مینجمنٹ سسٹم کا افتتاح کر دیا۔
افتتاحی تقریب سے خطاب کرتے ہوئے وزیرِ اعظم نے کہا کہ ہم نے ایک ایسا نظام متعارف کرایا ہے جس کے ذریعے بدعنوانی کی نظر ہونے والے پیسے کو دوبارہ خزانے میں واپس لایا جائے گا۔ بدعنوان عناصر سے ہر پائی وصول کر کے اسے عوامی فلاح کے کاموں پر خرچ کیا جائے گا۔
انہوں نے مزید کہا کہ نئے نظام کے تحت سندھ ہائی کورٹ نے صرف ایک دن میں 24 ارب روپے کے مقدمات کے فیصلے کیے ہیں، اور یہ رقم اب قومی خزانے میں جمع کی جائے گی۔
وزیرِ اعظم کا یہ بھی کہنا تھا کہ اب وقت آ گیا ہے کہ ایسی مزید رقوم کو بھی قومی خزانے میں واپس لایا جائے۔
ان کا یہ بھی کہنا تھا کہ ٹربیونلز، ہائی کورٹس اور سپریم کورٹ میں کھربوں روپے کے مقدمات زیرِ التواء ہیں، اور واجب الادا ٹیکس کی ہر پائی عوام کی امانت ہے۔
