ریاستی فورسز کے بریریت، تھریٹ اور دو مرتبہ کریک ڈاؤن کے باوجود بلوچ یکجہتی کمیٹی کا دھرنا شال میں بدستور جاری ہے۔ آج دھرنے کے مقام سے ایک منظم ریلی کی صورت میں شہید حبیب بلوچ کے جنازے میں شرکت کی گئی، جہاں ان کا نمازِ جنازہ ادا کیا گیا۔ اس موقع پر ایک اہم پریس کانفرنس بھی منعقد کیا گیا، جس میں بلوچ یکجہتی کمیٹی نے اپنے مطالبات پیش کیے۔
مطالبات:
(1) ڈاکٹر ماہ رنگ بلوچ، بیبگر بلوچ سمیت تمام گرفتار دوستوں کو فوری طور پر بغیر کسی شرط و شرائط کے رہا کر
یا جائے۔
(2) اندھا دھند فائرنگ کے نتیجے میں درجنوں افراد کو زخمی اور تین افراد کو شہید کرنے کے خلاف وزیر اعلیٰ بلوچستان سرفراز بگٹی اور آئی جی پولیس کے خلاف فوری طور پر ایف آئی آر درج کی جائے اور انہیں عہدے سے برطرف کیا جائے۔
(3) کمشنر کوئٹہ اور ڈپٹی کمشنر کوئٹہ کو فوری طور پر برطرف کیا جائے۔
(4) بلوچ سیاسی کارکنوں کے خلاف جاری انتقامی کارروائیاں فوراً بند کی جائیں اور تمام جھوٹے مقدمات ختم کیے جائیں۔
بلوچ یکجہتی کمیٹی واضح کرتی ہے کہ اگر ان مطالبات پر فوری عملدرآمد نہ کیا گیا تو احتجاج مزید شدت اختیار کرے گا۔ اور ظلم و جبر کے خلاف اپنی جدوجہد جاری رکھیں گے۔
