مشہور ترک ڈرامہ سیریل 'ارطغرل غازی' میں اداکاری کے جوہر دکھانے والے ترک اداکار کلل آل سیلاب متاثرین کی مدد کیلئے پاکستان پہنچ گئے ہیں۔
تفصیلات کےمطابق ترک ویب سیریز ارطغرل غازی میں عبدالرحمان الپ کا کردار ادا کرنے والے ترک اداکار کلل آل امدادی سامان کے ہمراہ پاکستان پہنچے اورانہوں نے سیلاب زدہ علاقوں کا دورہ کیا۔
انسٹاگرام پر کلل آل نے اپنی مصروفیات سے متعلق ویڈیوز اورتصاویر شیئرکرتےہوئے بتایا کہ وہ ترجی سے کراچی پہنچےہیں جہاں سے وہ سیلاب زدہ علاقوں کا دورہ کرنے جارہے ہیں۔
کلل آل نے ایک ویڈیو شیئرکی جس میں دیکھا جاسکتا ہےکہ شدید بارش کے درمیان گاڑی میں سوار کلل آل اپنے ساتھیوں کےہمراہ سیلاب زدہ علاقوں میں لوگوں کی مدد کیلئے روانہ ہورہے ہیں۔
دیگر تصاویر میں دیکھا جاسکتا ہے کہ ترک اداکار اپنے کندھے پر امدادی سامان لادے ریلیف کیمپوں میں جارہے ہیں، ایک ویڈیو میں ترک اداکار کو بچوں کے درمیان پاکستان زندہ باد کے نعرےلگاتے ہوئے بھی دیکھا جاسکتا ہے،
دوسری تصویر میں کلل آل سیلاب زدہ بچوں کو ارطغرل غازی کی مخصوص ٹوپیاں تحفہ میں دے کر ان کے ساتھ موجود ہیں۔
