سابق وزیراعظم عمران خان نے کہا ہے کہ افسوس کی بات ہے کہ حکومت نے نہایت سنگدلی کا مظاہرہ کرتے ہوئے پناہ گاہوں کو کثیر تعداد میں بند کردیا ہے۔
مائیکروبلاگنگ ویب سائٹ ٹویٹر پر اپنے بیان میں چیئرمین پی ٹی آئی عمران خان نے اپنے دور حکومت میں شروع کیے گئے احساس پروگرام، لنگر خانوں اور پناہ گاہوں کے حوالے سے ایک ویڈیو رپورٹ شیئر کی۔
اس رپورٹ میں سڑک کنارے دن رات گزارنے والے افراد کو کثیر تعدادمیں باوقار طریقے سے لنگر خانوں میں کھانا کھاتےدیکھا جاسکتا ہے، ایک موقع پر جب عمران خان نے خود لنگر خانوں کا دورہ کیا اور لوگوں کے ساتھ شامل ہوکر کھانا کھایا وہ مناظر بھی اس رپورٹ میں شامل کیے گئے ہیں۔
ساتھ ہی اس ویڈیومیں صاف ستھری پناہ گاہوں کے اندرونی مناظر شیئر کرتے ہوئے عمران خان کا کہنا تھا کہ میں ایک پناہ گاہ کے دورے کے دوران غریب مزدوروں کو باوقار طریقے سے کھانااور شدید سرد موسم میں فٹ پاتھ کے بجائے گرم اور آرام دہ بستر کی فراہمی دیکھ کر عجز و اطمینان کے بے مثال تجربے سے گزرا تھا۔
انہوں نے مزید کہا کہ افسوس کی بات ہے کہ حکومت نے نہایت سنگدلی کا مظاہرہ کرتے ہوئے ان پناہ گاہوں کی کثیر تعداد کو بند کردیا ہے اور ہیلتھ کارڈ سکیم کو بھی ہدف بنایا ہے۔
عمران خان نے اعلان کیا کہ دوبارہ حکومت میں آنے کے بعد ہم ان پناہ گاہوں کو پھر سے کھول دیں گے ، انشااللہ۔
خیال رہے کہ سابق وزیراعظم عمران خان نے اپنے دور حکومت میں غریب، بے سہارا اور بے گھر افراد کیلئے لنگر خانوں، پناہ گاہوں اور ہیلتھ کارڈ کی سہولیات متعارف کروائیں تھیں، ان منصوبوں کے تحت بے گھر افراد کو سونے کیلئے آرام دہ جگہ ، باوقار طریقے سے کھانا اور پرائیویٹ ہسپتالوں میں بھی ہر قسم کا مفت علاج میسر تھا، تاہم موجود حکومت نے اقتدار میں آنے کے بعد غریب عوام کی فلاح کے منصوبوں کو بند کردیا۔
- Featured Thumbs
- https://www.siasat.pk/data/files/s3/11panangaaahkahan.jpg
