پاکستان تحریک انصاف نے حکومت کو ٹف ٹائم دینے کیلئے مشترکہ گرینڈ الائنس تشکیل دیدیا ہے اور اس الائنس کےسربراہ محمود خان اچکزئی کو بنادیا ہے۔ پہلا جلسہ 14 اپریل کو کوئٹہ میں ہو گا۔
تفصیلات کے مطابق پی ٹی آئی نے ہم خیال سیاسی جماعتوں پر مشتمل ایک سیاسی الائنس تشکیل دیدیا ہے جس کی سربراہی کیلئے مشاورت کے بعد محمود خان اچکزئی کے نام پر اتفاق کیا گیا ہے۔
ذرائع کا کہنا ہے کہ گرینڈ الائنس میں شمولیت کیلئے مولانا فضل الرحمان کو بھی آنے والے دو سے تین دن کے درمیان دعوت دیدی جائے، مولانا فضل الرحمان جو پہلے ہی حکومت کی مخالفت کی کال دے چکے ہیں ، اگر وہ گرینڈ الائنس میں شامل ہوئے تو پی ٹی آئی اور جے یو آئی ف محمود خان اچکزئی کی سربراہی میں احتجاجی مظاہروں کا اعلان کریں گے، امکان ہیں کہ جماعت اسلامی بھی اس گرینڈ الائنس میں بڑا عہدہ حاصل کرسکتی ہے۔
قبل ازیں اس گرینڈ الائنس میں شامل پانچ جماعتوں کا اہم اجلاس ہوا جس میں جماعت اسلامی کی جانب سے لیاقت بلوچ، پختونخوا ملی عوامی پارٹی کی جانب سے محمود اچکزئی، پی ٹی آئی کے چیئرمین گوہر خان، بی این پی مینگ کے اختر مینگل اور مجلس وحدت المسلمین کے علامہ راجا ناصر عباس شریک ہوئے، اجلاس میں ملک کی مجموعی سیاسی صورتحال پر مشاورت ہوئی اور مستقبل کے حوالے سے اہم فیصلے کیے گئے۔
