,خواجہ آصف جسٹس عائشہ ملک کے حق میں میدان میں آگئے، سابق وزیر دفاع خواجہ آصف نے ٹویٹ پر لکھا
عام حالات میں اس ٹویٹ پے کمنٹ نہ کرتااور نہ میں جج صاحبہ کو ذاتی طور پہ جانتا ھوں۔ لیکن میں اس پارلیمنٹری کمیٹی کا رکن تھا جس کے ذمہ جج صاحبان کی تقرری کنفرم ھو تی ھے۔ اس وڈیو میں کہانی بنا نے کی کوشش کی گئی ھے۔
خواجہ آصف نے مزید لکھا جب جج صاحبہ کا نام کمیٹی کے سامنے زیر بحث آیا تو جج صاحبہ کے سالانہ انکم ٹیکس کی ادا شدہ رقم غیر معمولی زیادہ تھی جس سے سارے کمیٹی ممبر متاثر ھوئے۔
انہوں نے کہا میری ذمہ تصدیق کرنے کی ذمہ داری لگی جو میں نے کمیٹی کی میٹنگ کے دوران کراچی کے ایک مشہور وکیل سے کی۔ وکیل موصوف نے نہ صرف جج صاحبہ کی پریکٹس کی تعریف کی بلکہ انکی ایمانداری جو ٹیکس کی رقم سے عیاں تھی اسکی بھی شہادت دی ۔
خواجہ آصف نے لکھا میرے خیال میں ٹویٹ میں صرف کہانی بنانے کی کوشش کی گئ ھے۔ ورنہ جج صاحبہ کی تقرری کا میں عینی شاہد ھوں ۔ تقرری کے وقت پارلیمنٹری کمیٹی کے سامنے تمام ایجنسیوں کی رپورٹیں بھی ھوتی ھیں اور پروفیشنل اور ذاتی زندگی کی تمام مکمل تفصیل ھوتی ھے۔
ن لیگ کے حامی صحافیوں کی جانب سے سپریم کورٹ کی جج جسٹس عائشہ ملک کے خلاف غلیظ مہم چلی,جس پر جسٹس عائشہ ملک کی ذاتی زندگی پر حملے کئے گئے.
صحافی صدیق کے مطابق ن لیگ اور جسٹس قاضی فائز عیسٰی صاحب کے حامی صحافیوں اور یوٹیوبرز کی جانب سے ایک خاتون جج جسٹس عائشہ ملک صاحبہ کے خلاف انتہائی گھٹیا مہم شروع کی جو انتہائی قابل مذمت ہے۔
انہوں نے مزید کہا کہ ایک خاتون جج کے کردار پر گھٹیا الزامات لگانے والوں کو پی ٹی وی پر بلایا اور بٹھایا جاتا ہے،یعنی ہماری ریاست کا سرکاری ٹی وی ان یوٹیوبرز کو پروموٹ کررہا ہے،مرتضیٰ سولنگی صاحب ،کیا یہ ریاست کی پالیسی ہے کہ ایک خاتون جج کے کردار پر جھوٹے اور گھٹیا الزامات لگانے والوں کو پروموٹ کرنا ہے؟؟؟
صدیق جان کے مطابق جسٹس عائشہ کے خلاف کمپین چلانے والے جس بندے کو پی ٹی وی پر بلاکر ان سے تجزئیے لئے جاتے ہیں اسکا نام رضوان رضی ہے۔
انہوں نے کہا کہ سولنگی صاحب ایک بار خاتون جج پر لگنے والے گھٹیا الزامات پڑھ لیں،اللہ نہ کرے کہ کسی دشمن کی بھی گھر کی خواتین پر بھی ایسے الزامات لگیں، جیسے الزامات لگانے والوں کو آپ کا پی ٹی وی پروموٹ کررہا ہے،افسوس تو یہ ہے کہ اس پی ٹی وی کو چلانے کا خرچہ ہر پاکستانی اور تمام مساجد بھی اٹھاتے ہیں
انکا کہنا تھا کہ ایک انتہائی قابل، لائق اور دبنگ خاتون جج کے خلاف کیا گیا ٹویٹ، الزام اور زبان دیکھیں،پھر یہ دیکھیں کہ ری ٹویٹ کون کررہا ہے،پھر یہ غور کریں کہ یہ یوٹیوبرز کن کے پالے ہوئے ہیں،پھر یہ دیکھیں کہ کون کون سے صحافی اور خواتین اینکرز ان کو پروموٹ کرتی ہیں۔
انہوں نے مزید کہا کہ امید ہے کہ وہ خواتین اینکرز آج اس کی مذمت کریں گی اور آئندہ ایسے مکروہ چہروں کو پروموٹ نہیں کریں گی لیکن وہ ایسا نہیں کریں گی،کیونکہ ن لیگ کا جو بھی حامی ہوگا،وہ کچھ بھی کرے گا تو سپریم کورٹ کے چند اصول پسند ہونے کے دعویدار بڑے صحافی اور خواتین اینکرز ان کو پروموٹ کرتے رہیں گے.یہ ن لیگ کی تربیت ہے
واضح رہے کہ ایک غیر معروف یوٹیوبر نے جسٹس عائشہ ملک کی ذاتی زندگی پر حملے کرتے ہوئے کہا کہ اس نے اپنے پہلے شوہر سے بلاوجہ طلاق لی اور اسکے بعد ایک لاء فرم کے مالک سے شادی کرلی جس کی وجہ سے انہیں قانون کی ڈگری ملی اور وہ بغیر پریکٹس کئے پہلے لاہور ہائیکورٹ اور پھر سپریم کورٹ کی جج بن گئیں۔
یوٹیوبر نے جسٹس عائشہ کو جج بنوانے میں جسٹس عظمت سعید کا ہاتھ قرار دیا,اسکے بعد اس غیر معروف یوٹیوبر کو ن لیگ اور جسٹس قاضی فائز عیسیٰ کے حامی صحافیوں نے پروموٹ کرنا شروع کردیا جس کے بعد ن لیگی سپورٹرز بھی اس غیرمعروف یوٹیوبر کو پروموٹ کرنے پر لگ گئے۔
