مسلم لیگ ن کے مرکزی رہنما خواجہ سعد رفیق نے وفاق میں اہم ذمہ داری لینے سے انکار کرتے ہوئے وزیراعظم کی پیشکش مسترد کردی ہے۔
تفصیلات کے مطابق وزیراعظم شہباز شریف نے عام انتخابات میں شکست سے دوچار ہونے والے پارٹی رہنما خواجہ سعد رفیق کو مشیر برائے سیاسی امور بننے کی پیشکش کی جس پر سابق وزیرریلوے خواجہ سعد رفیق نے انکار کردیا ہے۔
ذرائع کا کہنا ہے کہ موجودہ حکومت کے آنے سے قبل اور کابینہ کی تشکیل کے موقع پر خواجہ آصف کو پارٹی قیادت کی جانب سے مشیر ریلوے بنائے جانے کا اشارہ دیا گیا ہے، خواجہ سعد رفیق نے اس کے بعد ریلوے کے کچھ ایونٹس میں شرکت کرنا بھی شروع کردی تھی، وزیراعظم کی جانب سےا چانک انہیں ریلوے کا محکمہ دینے کے بجائےمشیر برائے سیاسی امور کی ذمہ داری دینے کی پیشکش خواجہ سعد رفیق کو قبول نہیں ہے۔
کابینہ میں شمولیت اور اہم ذمہ داری دیئےجانے کے معاملے پر خواجہ سعد رفیق نے کوئی بھی موقف دینے سے انکار کرتےہوئے کہا کہ میں اس معاملے پر خاموش ہی رہوں گا۔
- Featured Thumbs
- https://www.siasat.pk/data/files/s3/3sehbabzshajrkjkfhfh.png
