ڈسٹرکٹ سپورٹس آفس چارسدہ کے زیر اہتمام جشن آزادی سپورٹس گالا کی اختتامی تقریب کے موقع پر ضلعی اسپورٹس انتظامیہ کی بد انتظامی اورناقص انتظامات کے خلاف کھلاڑیوں نے احتجاج ریکارڈ کروایا۔
کھلاڑیوں نے ضلعی اسپورٹس افسر کے سامنے احتجاج کرتے ہوئے ٹرافی توڑ دی اور اعلیٰ افسران سے واقعے کا نوٹس لینے کی اپیل کی۔
کھلاڑیوں کو ٹرافی لینے کیلئے شدید گرمی میں اعلیٰ افسران کا انتظار کروایا گیا جس پر کھلاڑیوں کا صبر جواب دے گیا اور ایک کھلاڑی نے ٹرافی ملتے ہی ٹرافی زمین پر دے ماری
ٹرافی ریسیو کرتے ہی کھلاڑی کا کہنا تھا کہ ڈی ایس او صاحب کا بہت شکریہ کہ اُنہوں نے ہمیں 2 بجے اس شدید گرمی میں ہمیں ذلیل کیا
نوجوان کھلاڑی کی ٹرافی توڑنے کی ویڈیو سوشل میڈیا پر وائرل ہو گئی جس پر رد عمل دیتے ہوئے صارفین نے بھی منتظمین کو آڑے ہاتھوں لیا اور کہا کہ کھلاڑیوں نے بالکل ٹھیک کیا۔
ایک سوشل میڈیا صارف نے کہا کہ اس کے بعد کوئی بھی تقریب میں دیر سے آنے کی جراتٌ نہیں کرے گا
ایک اور سوشل میڈیا صارف نے کہا کہ جب سرکاری افسران اے سی چلاکر ٹھنڈے کمروں کے مزے لینگے تو ایسا ہوگا۔
حسن خٹک نے طنز کرتے ہوئے کہا کہ پروگرام تو ڑگیا
- Featured Thumbs
- https://www.siasat.pk/data/files/s3/jasa11h1.jpg
