News_Icon
Chief Minister (5k+ posts)

آرمی چیف جنرل عاصم منیر نے واضح کیا ہے کہ پاکستان میں دہشتگردی کسی بھی صورت برداشت نہیں کی جائے گی اور اس کا مکمل خاتمہ یقینی بنایا جائے گا۔ ڈان نیوز کے مطابق، پاک فوج کے شعبہ تعلقات عامہ (آئی ایس پی آر) کی جانب سے جاری بیان میں بتایا گیا ہے کہ کوئٹہ ریلوے اسٹیشن پر ہونے والے خودکش دھماکے کے شہداء کی نماز جنازہ کوئٹہ گیریژن میں ادا کی گئی، جس میں آرمی چیف جنرل عاصم منیر نے بھی شرکت کی۔
نماز جنازہ میں وفاقی وزیر داخلہ، گورنر بلوچستان، وزیر اعلیٰ بلوچستان، اور صوبائی وزراء نے بھی شرکت کی۔ اس موقع پر آرمی چیف نے کمبائن ملٹری ہسپتال (سی ایم ایچ) کا دورہ کیا اور دہشتگردی کے واقعے میں زخمی ہونے والے افراد کی عیادت کی۔

آرمی چیف جنرل عاصم منیر کا کہنا تھا کہ دہشتگردی کے خاتمے کا مشن قومی عزم کے ساتھ جاری رہے گا۔ انہوں نے کہا کہ پوری قوم دہشتگردی کے خلاف جنگ میں ثابت قدم ہے اور عوام کی حمایت، فوج اور سول اداروں کی مشترکہ کوششوں سے یہ جنگ جیتی جائے گی۔
- Featured Thumbs
- https://i.ibb.co/r5spDFg/10.png