بسم اللہ الرحمن الرحیم
وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُم مِّن دُونِ اللَّهِ مِنْ أَوْلِيَاءَ ثُمَّ لَا تُنصَرُونَ
دیکھو ظالموں کی طرف ہرگز نہ جھکنا ورنہ تمہیں بھی (دوزخ کی) آگ لگ جائے گی اور اللہ کے سوا اور تمہارا مددگار نہ کھڑا ہو سکے گا اور نہ تم مدد دیئے جاؤ گے۔(سورة هود:113)
پس جن لوگوں نے ظلم کیا ہے انہیں بھی ان کے ساتھیوں کو بھی برابر حصہ ملے گا ۔ الذاریات 59
اس سے معلوم ہوا کہ خدا کے نافرمانوں کے ساتھ یعنی بےدینوں اور گمراہوں کے ساتھ میل جول ، رسم و راہ ، مَوَدّت و محبت ، ان کی ہاں میں ہاں ملانا ، ان کی خوشامد میں رہنا ممنوع ہے ۔ ظالموں کی طرف داری ان کے ظلم پر مدد ہے یہ ہرگز نہ کرو۔ اگر ایسا کیا تو کون ہے جو تم سے عذاب اللہ ہٹائے؟ اور کون ہے جو تمہیں اس سے بچائے۔ یہ حال ان کا ہے جو ظالموں سے رسم و راہ ، میل و محبت رکھیں ۔
جو لوگ ظالم (حد سے نکلنے والے) ہیں، ان کی طرف تمہارا ذرا سا میلان اور جھکاؤ بھی نہ ہو۔ ان کی موالات ، مصاحبت ، تعظیم و تکریم ، مدح و ثنا ، ظاہری تشبہ ، اشتراک عمل ہر بات سے حسب مقدور احتراز کرو، مبادا آگ کی لپٹ تم کو نہ لگ جائے۔ پھر نہ خدا کے سواء تمہیں کوئی مددگار ملے گا اور نہ خدا کی طرف سے کچھ مدد پہنچے گی۔
یعنی ظالموں کے اعمال کو پسند نہ کرو۔ اس آیت سے صراحۃً معلوم ہوا کہ ان بدمذہبوں کے پاس بیٹھنا اور ان کی مجلسوں میں شرکت کرنا عذاب الٰہی کا باعث ہے ہم اپنی نادانی سے ان کی صحبت کو بےضرر خیال کرتے ہیں اور خوشامد کرنے کیلئے بےدھڑک ان کے پاس آمدورفت رکھتے ہیں لیکن ہم یہ نہیں سمجھتے کہ وہ ہر وقت اس موقع کی تاڑ میں رہتے ہیں کہ پھونک مار کر ہمارے ایمان کی شمع کو گل کر دیں ۔ اس لیے اہل اسلام کا یہ فرض ہے کہ وہ ان بدعقیدہ لوگوں کی صحبت سے احتراز کریں اور اپنے ایمان کی حفاظت کریں۔ نیز اس آیت میں یہ بھی معلوم ہوا کہ ان لوگوں کی سنگت کرنا اور ان کی تقویت کا باعث بننا جو لوگوں کے حقوق تلف کرتے ہیں ان سے میل جول شرعا ناجائز ہے۔ تمہاری تائید اور اعانت صرف ان لوگوں کے لیے ہونی چاہیے جو صحیح دین کے علمبردار ہیں اور اپنی عملی زندگی میں عدل و انصاف کی قدروں کو سربلند دیکھنے کے لیے کوشاں ہیں۔
یہ حال تو ان کا ہے جو ظالموں سے رسم و راہ ، میل و محبت رکھیں اور اسی سے ان کا حال قیاس کرنا چاہیئے جو خود ظالم ہیں ۔
ظالموں اور انکے ساتھیوں کا انجام
:اللہ تعالیٰ نے فرمایا
بنی اسرائیل کے کافروں پر حضرت داؤد اور عیسیٰ بن مریم کی زبانی لعنت کی گئی، یہ اس سبب سے کہ انھوں نے نافرمانی کی اور وہ زیادتی کرنے والے تھے۔ (اس طرح کہ) وہ ایک دوسرے کو ان برائیوں سے نہیں روکتے تھے۔ جن کا وہ ارتکاب کرتے تھے۔ البتہ برا ہے جو وہ کرتے تھے۔ سورة المائدة :78۔79
وہ لوگ جنہوں نے ظلم کیا تھا تو ایک سخت دھماکے نے اُن کو دھرلیا اور وہ اپنی بستیوں میں اس طرح بے حس و حرکت پڑے کے پڑے رہ گئے کہ گویا وہ وہاں کبھی بسے ہی نہ تھے ۔ 68 سورۃ ھود
کتنی ہی بستیاں ہیں جنہیں ہم نے ہلاک کردیا۔ ان پر ہمارا عذاب اچانک رات کے وقت ٹوٹ پڑا، یا دن دہاڑے ایسے وقت آیا جب کہ وہ آرام کررہے تھے ۔ اور جب ہمارا عذاب ان پر آگیا تو ان کی زبان پر اس کے سوا کوئی صدا نہ تھی کہ واقعی ہم ظالم تھے - سورة الاٴعرَاف5
مگر انہوں نے فرعون کے حکم کی پیروی کی، حالانکہ فرعون کا حکم راستی پر نہ تھا ۔ قیامت کے روز وہ اپنی قوم کے آگے آگے ہوگا اور اپنی پیشوائی میں انہیں دوزخ کی طرف لے جائے گا ۔ کیسی بدتر جائے ورُود ہے یہ جس پر کوئی پہنچے! اور اُن لوگوں پردنیا میں بھی لعنت پڑی اور قیامت کے روز بھی پڑے گی ۔ کیسا بُرا صلہ ہے یہ جو کسی کو ملے ! ھود99
129 دیکھو اس طرح (آخرت میں) ہم ظالموں کو ایک دوسرے کا ساتھی بنائیں گے ۔ اس کمائی کی وجہ سے جو وہ (دنیا میں ایک دوسرے کے ساتھ مل کر کرتے تھے ) سورة انعام
اورفرمایا
ہم نے ان لوگوں کو نجات دی جو برائی سے روکتے تھے اور ظالموں کی سخت عذاب کے ساتھ گرفت کی ، بسبب اس کے جو وہ نافرمانی تھے۔
سورة الأعراف:165
ام المومنین ام سلمہ نبی صلی اللہ علیہ وسلم سے روایت کرتی ہیں کہ آپ نے فرمایا : ''یقیناً تم پر عنقریب ایسے حکمران بنائے جائیں گے کہ تم ان کے بعض اعمال کو پسند کرو گے اور بعض کو ناپسند کرو گے، پس جس شخص نے (ان کے ناپسندیدہ کاموں کو) ناپسند کیا اور انکار کیا تو وہ (اس معصیت سے) بچ گیا لیکن جو راضی ہوگیا اور پیروی کی تو وہ ہلاک ہوگیا ۔
اس کے معنی ہیں کہ جس نے دل سے برا سمجھا اور اس میں ہاتھ یا زبان سے انکار کی طاقت نہیں تھی تو وہ گناہ سے بری ہو گیا اور ا س نے اپنا فرض ادا کردیا اور جس نے اپنی طاقت کے مطابق انکار کیا تو وہ اس معصیت سے بچ گیا اور جو ان کے فعل سے راضی ہوگیا اور ان کی معاونت کی تو وہ گنہگار ہے۔
مسلم : 1854 -63
حضرت ابن مسعود سے روایت ہے کہ رسول اللہ صلی اللہ علیہ وسلم نے فرمایا: ''اللہ تعالیٰ نے مجھ سے پہلے جو نبی بھی بھیجا اس کی امت میں اس کے حواری اور ساتھی تھے جو اس کی سنت پر عمل اور اس کے حکم کی اقتدا کرتے تھے، پھر ان کے بعد ایسے ناخلف پیدا ہوئے جو ایسی باتیں کہتے جو وہ کرتے نہیں تھے اور وہ ایسے کام کرتے تھے جن کا انہیں حکم نہیں دیا گیا تھا۔ پس جو شخص اپنے ہاتھ سے ان کے ساتھ جہاد کرے گا وہ مومن ہے اور جو شخص اپنے دل سے ان کے ساتھ جہاد کرے گا، وہ مومن ہے اور جو شخص اپنی زبان سے ان کے ساتھ جہاد کرے گا، وہ مومن ہے اور اس کے بعد تو رائی کے دانے کے برابر بھی ایمان نہیں ۔
مسلم 50
حضرت ابو ولید عبادہ بن صامت رضی اللہ عنہ بیان کرتے ہیں کہ ہم نے رسول اللہ صلی اللہ علیہ وسلم کی (ہرحال میں) سمع و طاعت پر بیعت کی، خواہ ہم تنگی میں ہوں یا آسانی میں، سہولت میں ہوں یا سختی میں اور خواہ ہم پر دوسروں کو ترجیح دی جائے اور ہم حکمرانوں سے اقتدار کے معاملے میں نہیں لڑیں گے لیکن یہ کہ ہم ( لڑیں گے جب ) ان میں صریح کفر دیکھیں جس پر ہمارے پاس اللہ کی طرف سے دلیل ہو اور یہ کہ ہم جہاں کہیں بھی ہوں حق کہیں اور اللہ تعالیٰ کے دین کے بارے میں ہم کسی ملامت کرنے والے کی ملامت سے نہ ڈریں ۔
(متفق علیہ)
البخاری (513۔فتح) و مسلم-1709
حضرت ابوسعید خدری رضی اللہ عنہ سے روایت ہے کہ نبی صلی اللہ علیہ وسلم نے فرمایا: ''سب سے افضل جہاد ظالم بادشاہ کے سامنے کلمہ حق کہنا ہے۔
أبو داؤد (4344)، والترمذی (2174)، و ابن ماجہ (4011)
رَبَّنَا لَا تَجْعَلْنَا فِتْنَۃً لِلْقَوْمَ الظّٰلِمِیْنَ ، وِنَجِّنَا بِرَحْمَتَکَ مِنَ الْقَوْمِ الکٰفِرِیْنَ
-اے ہمارے رب ! ہمیں ظالم لوگو ں کے لیے فتنہ نہ بنا اور اپنی رحمت سے ہمیں کافروں سے نجات دے
دیکھو ظالموں کی طرف ہرگز نہ جھکنا ورنہ تمہیں بھی (دوزخ کی) آگ لگ جائے گی اور اللہ کے سوا اور تمہارا مددگار نہ کھڑا ہو سکے گا اور نہ تم مدد دیئے جاؤ گے۔(سورة هود:113)
پس جن لوگوں نے ظلم کیا ہے انہیں بھی ان کے ساتھیوں کو بھی برابر حصہ ملے گا ۔ الذاریات 59
اس سے معلوم ہوا کہ خدا کے نافرمانوں کے ساتھ یعنی بےدینوں اور گمراہوں کے ساتھ میل جول ، رسم و راہ ، مَوَدّت و محبت ، ان کی ہاں میں ہاں ملانا ، ان کی خوشامد میں رہنا ممنوع ہے ۔ ظالموں کی طرف داری ان کے ظلم پر مدد ہے یہ ہرگز نہ کرو۔ اگر ایسا کیا تو کون ہے جو تم سے عذاب اللہ ہٹائے؟ اور کون ہے جو تمہیں اس سے بچائے۔ یہ حال ان کا ہے جو ظالموں سے رسم و راہ ، میل و محبت رکھیں ۔
جو لوگ ظالم (حد سے نکلنے والے) ہیں، ان کی طرف تمہارا ذرا سا میلان اور جھکاؤ بھی نہ ہو۔ ان کی موالات ، مصاحبت ، تعظیم و تکریم ، مدح و ثنا ، ظاہری تشبہ ، اشتراک عمل ہر بات سے حسب مقدور احتراز کرو، مبادا آگ کی لپٹ تم کو نہ لگ جائے۔ پھر نہ خدا کے سواء تمہیں کوئی مددگار ملے گا اور نہ خدا کی طرف سے کچھ مدد پہنچے گی۔
یعنی ظالموں کے اعمال کو پسند نہ کرو۔ اس آیت سے صراحۃً معلوم ہوا کہ ان بدمذہبوں کے پاس بیٹھنا اور ان کی مجلسوں میں شرکت کرنا عذاب الٰہی کا باعث ہے ہم اپنی نادانی سے ان کی صحبت کو بےضرر خیال کرتے ہیں اور خوشامد کرنے کیلئے بےدھڑک ان کے پاس آمدورفت رکھتے ہیں لیکن ہم یہ نہیں سمجھتے کہ وہ ہر وقت اس موقع کی تاڑ میں رہتے ہیں کہ پھونک مار کر ہمارے ایمان کی شمع کو گل کر دیں ۔ اس لیے اہل اسلام کا یہ فرض ہے کہ وہ ان بدعقیدہ لوگوں کی صحبت سے احتراز کریں اور اپنے ایمان کی حفاظت کریں۔ نیز اس آیت میں یہ بھی معلوم ہوا کہ ان لوگوں کی سنگت کرنا اور ان کی تقویت کا باعث بننا جو لوگوں کے حقوق تلف کرتے ہیں ان سے میل جول شرعا ناجائز ہے۔ تمہاری تائید اور اعانت صرف ان لوگوں کے لیے ہونی چاہیے جو صحیح دین کے علمبردار ہیں اور اپنی عملی زندگی میں عدل و انصاف کی قدروں کو سربلند دیکھنے کے لیے کوشاں ہیں۔
یہ حال تو ان کا ہے جو ظالموں سے رسم و راہ ، میل و محبت رکھیں اور اسی سے ان کا حال قیاس کرنا چاہیئے جو خود ظالم ہیں ۔
ظالموں اور انکے ساتھیوں کا انجام
:اللہ تعالیٰ نے فرمایا
بنی اسرائیل کے کافروں پر حضرت داؤد اور عیسیٰ بن مریم کی زبانی لعنت کی گئی، یہ اس سبب سے کہ انھوں نے نافرمانی کی اور وہ زیادتی کرنے والے تھے۔ (اس طرح کہ) وہ ایک دوسرے کو ان برائیوں سے نہیں روکتے تھے۔ جن کا وہ ارتکاب کرتے تھے۔ البتہ برا ہے جو وہ کرتے تھے۔ سورة المائدة :78۔79
وہ لوگ جنہوں نے ظلم کیا تھا تو ایک سخت دھماکے نے اُن کو دھرلیا اور وہ اپنی بستیوں میں اس طرح بے حس و حرکت پڑے کے پڑے رہ گئے کہ گویا وہ وہاں کبھی بسے ہی نہ تھے ۔ 68 سورۃ ھود
کتنی ہی بستیاں ہیں جنہیں ہم نے ہلاک کردیا۔ ان پر ہمارا عذاب اچانک رات کے وقت ٹوٹ پڑا، یا دن دہاڑے ایسے وقت آیا جب کہ وہ آرام کررہے تھے ۔ اور جب ہمارا عذاب ان پر آگیا تو ان کی زبان پر اس کے سوا کوئی صدا نہ تھی کہ واقعی ہم ظالم تھے - سورة الاٴعرَاف5
مگر انہوں نے فرعون کے حکم کی پیروی کی، حالانکہ فرعون کا حکم راستی پر نہ تھا ۔ قیامت کے روز وہ اپنی قوم کے آگے آگے ہوگا اور اپنی پیشوائی میں انہیں دوزخ کی طرف لے جائے گا ۔ کیسی بدتر جائے ورُود ہے یہ جس پر کوئی پہنچے! اور اُن لوگوں پردنیا میں بھی لعنت پڑی اور قیامت کے روز بھی پڑے گی ۔ کیسا بُرا صلہ ہے یہ جو کسی کو ملے ! ھود99
129 دیکھو اس طرح (آخرت میں) ہم ظالموں کو ایک دوسرے کا ساتھی بنائیں گے ۔ اس کمائی کی وجہ سے جو وہ (دنیا میں ایک دوسرے کے ساتھ مل کر کرتے تھے ) سورة انعام
اورفرمایا
ہم نے ان لوگوں کو نجات دی جو برائی سے روکتے تھے اور ظالموں کی سخت عذاب کے ساتھ گرفت کی ، بسبب اس کے جو وہ نافرمانی تھے۔
سورة الأعراف:165
ام المومنین ام سلمہ نبی صلی اللہ علیہ وسلم سے روایت کرتی ہیں کہ آپ نے فرمایا : ''یقیناً تم پر عنقریب ایسے حکمران بنائے جائیں گے کہ تم ان کے بعض اعمال کو پسند کرو گے اور بعض کو ناپسند کرو گے، پس جس شخص نے (ان کے ناپسندیدہ کاموں کو) ناپسند کیا اور انکار کیا تو وہ (اس معصیت سے) بچ گیا لیکن جو راضی ہوگیا اور پیروی کی تو وہ ہلاک ہوگیا ۔
اس کے معنی ہیں کہ جس نے دل سے برا سمجھا اور اس میں ہاتھ یا زبان سے انکار کی طاقت نہیں تھی تو وہ گناہ سے بری ہو گیا اور ا س نے اپنا فرض ادا کردیا اور جس نے اپنی طاقت کے مطابق انکار کیا تو وہ اس معصیت سے بچ گیا اور جو ان کے فعل سے راضی ہوگیا اور ان کی معاونت کی تو وہ گنہگار ہے۔
مسلم : 1854 -63
حضرت ابن مسعود سے روایت ہے کہ رسول اللہ صلی اللہ علیہ وسلم نے فرمایا: ''اللہ تعالیٰ نے مجھ سے پہلے جو نبی بھی بھیجا اس کی امت میں اس کے حواری اور ساتھی تھے جو اس کی سنت پر عمل اور اس کے حکم کی اقتدا کرتے تھے، پھر ان کے بعد ایسے ناخلف پیدا ہوئے جو ایسی باتیں کہتے جو وہ کرتے نہیں تھے اور وہ ایسے کام کرتے تھے جن کا انہیں حکم نہیں دیا گیا تھا۔ پس جو شخص اپنے ہاتھ سے ان کے ساتھ جہاد کرے گا وہ مومن ہے اور جو شخص اپنے دل سے ان کے ساتھ جہاد کرے گا، وہ مومن ہے اور جو شخص اپنی زبان سے ان کے ساتھ جہاد کرے گا، وہ مومن ہے اور اس کے بعد تو رائی کے دانے کے برابر بھی ایمان نہیں ۔
مسلم 50
حضرت ابو ولید عبادہ بن صامت رضی اللہ عنہ بیان کرتے ہیں کہ ہم نے رسول اللہ صلی اللہ علیہ وسلم کی (ہرحال میں) سمع و طاعت پر بیعت کی، خواہ ہم تنگی میں ہوں یا آسانی میں، سہولت میں ہوں یا سختی میں اور خواہ ہم پر دوسروں کو ترجیح دی جائے اور ہم حکمرانوں سے اقتدار کے معاملے میں نہیں لڑیں گے لیکن یہ کہ ہم ( لڑیں گے جب ) ان میں صریح کفر دیکھیں جس پر ہمارے پاس اللہ کی طرف سے دلیل ہو اور یہ کہ ہم جہاں کہیں بھی ہوں حق کہیں اور اللہ تعالیٰ کے دین کے بارے میں ہم کسی ملامت کرنے والے کی ملامت سے نہ ڈریں ۔
(متفق علیہ)
البخاری (513۔فتح) و مسلم-1709
حضرت ابوسعید خدری رضی اللہ عنہ سے روایت ہے کہ نبی صلی اللہ علیہ وسلم نے فرمایا: ''سب سے افضل جہاد ظالم بادشاہ کے سامنے کلمہ حق کہنا ہے۔
أبو داؤد (4344)، والترمذی (2174)، و ابن ماجہ (4011)
رَبَّنَا لَا تَجْعَلْنَا فِتْنَۃً لِلْقَوْمَ الظّٰلِمِیْنَ ، وِنَجِّنَا بِرَحْمَتَکَ مِنَ الْقَوْمِ الکٰفِرِیْنَ
-اے ہمارے رب ! ہمیں ظالم لوگو ں کے لیے فتنہ نہ بنا اور اپنی رحمت سے ہمیں کافروں سے نجات دے
