رکن اسمبلی ہو یا وزیراعلیٰ، قانون سے بڑا کوئی نہیں، مریم نواز کی ایم پی اے کی بدتمیزی کا نشانہ بننے والے پولیس افسر سے ملاقات
وزیراعلی پنجاب مریم نواز شریف نے لیگی رکن اسمبلی ملک وحید کی جانب سے کی گئی بدتمیزی کا نشانہ بننے والے ٹرینی سب انسپکٹر یاسر نصیب سے ملاقات کی اور کہا کہ رکن اسمبلی ہو یا وزیراعلیٰ ہی کیوں نا ہو، قانونی سے بڑا کوئی نہیں ہوتا۔
تفصیلات کے مطابق گزشتہ روز ن لیگی کیجانب سے گاڑی روکنے والے پولیس افسر سے سرعام معافی منگوانے کے معاملے میں وزیراعلیٰ پنجاب مریم نواز شریف نے انٹری دیدی ہے اور متاثرہ پولیس افسر سے ملاقات کی ہے۔
مریم نواز نے ایم پی اے کے غیر مناسب رویے پر ٹرینی سب انسپکٹر یاسر نصیب سے ندامت کا اظہار کیا اور سارے واقعہ کی تفصیل سنی۔
اس موقع پر ٹرینی سب انسپکٹر نے بتایا کہ گشت کے دوران کالے شیشوں والی گاڑی کو روکا جس میں سے ایم پی اے نکلے اور کہنے لگے کہ میں رکن قومی اسمبلی ہوں مجھے ایسے روکے جانے پر میری عزت مجروح ہوئی ہے، مجھ سے سرعام معافی مانگی جائے، میں نے انہیں کہا کہ جناب میں ڈیوٹی پر ہوں۔
وزیراعلیٰ پنجاب مریم نواز نے اس سارے واقعہ پر شرمندگی کااظہار کرتے ہوئے کہا کہ آپ نے اپنی ڈیوٹی کرنی ہے اور کسی نے ڈرنا نہیں ہے، آپ کو اپنی ذمہ داری پوری کرنے میں کسی سے معافی نہیں مانگنی ، جو کچھ آپ نے کیا وہ بالکل ٹھیک تھا، آپ دل چھوٹا نا کریں، ہم نے اپنے ایم پی اے کو شوکاز نوٹس جاری کردیا ، کوئی بھی قانون سے بالاتر نہیں ہے ہم سب کو قانون کا زیادہ احترام کرنا چاہیے تاکہ باقی لوگوں کیلئے مثال قائم ہوسکے۔
- Featured Thumbs
- https://www.siasat.pk/data/files/s3/mayahi11h.jpg
