ریما خان کا ناصر ادیب کے متنازع بیان پر ردعمل: "اللہ کے اختیارات کو اپنے ہاتھ میں نہ لیں"
پاکستان کی مشہور اداکارہ ریما خان نے معروف مصنف ناصر ادیب کے اپنے متعلق دیے گئے متنازع بیان پر شدید ردعمل ظاہر کیا ہے۔ چند روز قبل ناصر ادیب نے ایک نجی ٹی وی کے پوڈ کاسٹ میں کہا تھا کہ فلم کی کاسٹ کے لیے دو اداکاراؤں کی ضرورت تھی، جن میں ریما خان کو دکھایا گیا۔ تاہم، انہوں نے مزید کہا کہ ریما خان انہیں پسند نہیں آئیں، جس کے بعد انہوں نے ریما کو فلم میں لینے سے انکار کر دیا۔
یاد رہے کہ چند روز قبل ناصر ادیب نے ایک شو میں ریما خان کے متعلق کہا تھا کہ وہ "ہیرامنڈی" میں رہائش پذیر ہیں اور انہیں دیکھ کر انہوں نے ریما خان کو مسترد کر دیا تھا۔ ناصر ادیب کے اس متنازع بیان پر انہیں شوبز شخصیات اور عوام کی جانب سے شدید تنقید کا سامنا کرنا پڑا تھا، جس کے بعد انہوں نے اداکارہ سے معافی مانگ لی ہے۔
ناصر ادیب کا یہ بیان سوشل میڈیا پر تیزی سے وائرل ہوگیا، جس کے بعد انہیں نہ صرف سوشل میڈیا صارفین کی تنقید کا سامنا کرنا پڑا بلکہ کئی شوبز شخصیات بھی ان کے خلاف سامنے آئیں۔
اب، ریما خان نے اس معاملے پر خاموشی توڑتے ہوئے سوشل میڈیا پر اپنے ردعمل کا اظہار کیا ہے۔ اداکارہ نے انسٹاگرام پر ایک پوسٹ شیئر کی جس میں انہوں نے لکھا: "اپنے آپ کو اشرف المخلوقات اس وقت کہیں جب آپ کے شر سے باقی مخلوق محفوظ ہو۔
" اس کے علاوہ، ریما خان نے ایک ویڈیو بھی شیئر کی، جس میں انہوں نے کہا کہ اللہ تعالی نے ہم پر بے شمار احسانات کیے ہیں، اور سب سے بڑا احسان یہ ہے کہ اس نے تین چیزوں کا اختیار اپنے پاس رکھا ہے: زندگی اور موت، رزق اور تنگدستی، اور عزت اور ذلت۔
ریما خان نے مزید کہا کہ اگر یہ اختیار انسان کے پاس ہوتا تو وہ دوسروں کو بے عزت کر دیتا، جیسا کہ ہم روزمرہ کی زندگی میں دیکھتے ہیں۔ انہوں نے کہا، "جو لوگ اللہ کے اختیارات کو اپنے ہاتھ میں لینے کی کوشش کرتے ہیں، ان کی دنیا اور آخرت خراب ہوتی ہے،" اور انہوں نے دعا کی کہ اللہ ہمیں اچھا انسان بنائے۔
- Featured Thumbs
- https://www.siasat.pk/data/files/s3/reema khan nasir adeeb hera mandi st.jpg
