فلم زندگی تماشا ہے کی پاکستان بھر میں پابندی کے بعد اب آن لائن فلم کا مزہ لیں، جی ہاں پاکستانی میں پابندی کا شکار ہونے والی فلم ’زندگی تماشا‘ کو فلمی شائقین صرف 15 ہزار روپے کے عوض مختصر مدت کے دوران آن لائن دیکھ سکیں گے۔
سرمد کھوسٹ فلم کی جانب سے انسٹاگرام پوسٹ میں بتایا گیا فلاحی تنظیم ’ساؤتھ ایشین پیس اور سرمد کھوسٹ فلم شائقین کے لیے فلم کو پیش کر رہے ہیں۔
انسٹاگرام پوسٹ میں بتایا گیا فلمی شائقین 50 امریکی ڈالر کے عوض ایوارڈ یافتہ فلم ’زندگی تماشا‘ کو آن لائن دیکھ سکیں گے، پیسوں کی ادائیگی کے بعد صارفین کو ایک خصوصی لنک بھیجا جائے گا، جسے وہ 21 سے 23 جولائی تک اپنی مرضی سے کسی بھی وقت دیکھ سکیں گے۔
’ساؤتھ ایشین پیس نے کہا شائقین چاہیں تو 50 امریکی ڈالر سے زائد رقم بھی فنڈ کر سکتے ہیں، فلم دیکھنے کے لیے کم از کم شائقین کو 50 امریکی ڈالر کا فنڈ دینا پڑے گا۔
کئی بار پابندی کا شکار ہونے والی سرمد کھوسٹ کی فلم زندگی کو جب سینیٹ کی کمیٹی نے ریلیز کی اجازت دی تھی تو فلم کو مارچ 2022 میں ریلیز کرنے کا اعلان کیا گیا تھا لیکن فلم آج تک ریلیز نہ ہوسکی،فلم نے پاکستان میں ریلیز سے قبل ہی ایشین فلم فیسٹیول‘ اور ’بوسان فلم فیسٹیول‘میں ایوارڈز بھی حاصل کیے تھے۔
پاکستان میں گذشتہ سال ایک طوفان برپا کرنے والی اور مذہبی اور سیاسی جماعتوں کے اعتراضات کے باعث فلم کا بائیکاٹ اور پروڈیوسر کے لیے قتل کی دھمکیاں دی گئیں، فلم زندگی تماشا کی رونمائی گذشتہ سال بوسان فلم فیسٹیول میں ہوئی تھی، اس فلم کو شدت پسند عناصر نے توہین آمیز قرار دیا تھا، جن میں انتہائی دائیں بازو سے تعلق رکھنے والی مذہبی سیاسی جماعت تحریک لبیک پاکستان بھی شامل ہے۔ اس پارٹی کا کہنا تھا کہ یہ فلم ’لوگوں کو اسلام اور پیغمبر اسلام سے دور کر سکتی ہے۔
فلم نے گذشتہ سال جنوری میں ریلیز ہونا تھا مگر اس کا ٹریلر سامنے آنے کے بعد مظاہروں، کھلے خطوط، کئی بار نظرثانی اور حکومتی سینسرشپ کے باعث ریلیز کی تاریخ میں بار بار تاخیر ہوتی رہی۔
جولائی 2020 میں پاکستانی سینیٹ کی انسانی حقوق کمیٹی نے اس فلم کی ریلیز کی منظوری دے دی تھی لیکن یہ فیصلہ بھی قانونی چارہ جوئی میں پھنس گیا۔ لاہور میں بنی یہ فلم ’ایک خاندان کی گہری تصویر ہے جبکہ یہ ان زمینی خداؤں پر تنقیدی تبصرہ بھی ہے، جو ہمارے ذاتی مشغلوں پر روک ٹوک کرتے ہیں۔
- Featured Thumbs
- https://www.siasat.pk/data/files/s3/3zindgoatamasha.jpg
Last edited:
