سابق بھارتی کرکٹر وریندسہواگ کی بھارت سے امیدیں۔۔ ٹویٹ وائرل
تفصیلات کے مطابق بھارت کے سابق بلے باز وریندرسہواگ نے بھارت سے امیدیں لگالی ہیں اور فلم لگان کے ایک سین کا ان کا ایک ٹویٹ سوشل میڈیا پر وائرل ہورہا ہے۔
وریندسہواگ نے ایک سکرین شاٹ شئیر کیا ہے جو فلم لگان کا ہے، یہ فلم ایک کرکٹ میچ پر تھی جسے عامر خان کی ٹیم کے جیتنے پر پورے گاؤں کو ٹیکس(جو گندم کی فصل کی مد میں لیا جاتا تھا) معاف ہوجانا تھا۔
اس فلم میں ایک شخص جس کا نام کچرا تھا اور اسکا ہاتھ ٹیڑھاتھا، عامر خان کو میچ جیتنے کی امید اس سے تھی کیونکہ اسکے ہاتھ ٹیڑھے ہونے کی وجہ سے گیند سپین ہوتی تھی، جب میچ فیصلہ کن مرحلے میں پہنچتا ہے اور برطانوی سرکار کے جیتنے کی امید ہوتی ہے تو عامر خان کچرا کو گیند دیکر کہتا ہے کہ کچرا اب ہمارا عزت تمہارے ہاتھ میں ہے۔
وریندرسہواگ نے سکرین شاٹ شئیر کرتے ہوئے لکھا کہ اس وقت کابلی چنے لے رہا ہوں۔
اس سے قبل وریندرسہواگ ایک پروگرام میں کہہ چکے ہیں کہ افغانستان کی آبادی 3 کروڑ ہے اور بھارت کی آبادی اربوں میں ہے اور اربوں لوگوں کی اگر پراتھنائیں ہوں گی تو وہ پہاڑ کو بھی ہلادیں گی۔ یہ تو صرف ایک میچ ہے۔
سہواگ کے اس ٹویٹ کو بھارتی سوشل میڈیا صارفین نے پسند کیا لیکن پاکستانی سوشل میڈیا صارفین نے سہواگ پر خوب طنز کیا اور کہا کہ سہواگ افغان ٹیم کو کچرا کہہ رہا ہے اور امید بھی اس سے لگائی ہوئی ہے۔