مسجد نبوی میں پیش آنے والے واقعے پر شدید الفاظ میں مذمت کی جارہی ہے، قومی ٹیم کے سابق کپتان شاہد خان آفریدی نے مسجد نبوی کا تقدس پامال کرنے پر تنقید کردی۔
شاہد آفریدی نے ٹویٹ میں لکھا کہ یہ وہ جگہ ہے جہاں آواز بلند کرنے کی بھی ممانعت ہے مگر ہم اپنی سیاسی دشمنیاں نبھانے کے لئے حرم کی حرمت تک بھول گئے۔ریاست مدینہ کے تقدس سے بھی منکر ہو گئے۔نعرے لگانے والوں کی پہچان تو ہو جائے گی لیکن پاکستان کی شناخت کو آج ناقابل تلافی نقصان پہنچا ہے۔
سابق کھلاڑی محمد یوسف نے مذمت کرتے ہوئے کہا کہ میں نے تو کبھی مکہ مدینہ نہیں دیکھاتھا،مسلمان ہونےکے بعد پہلی دفعہ گیا توخانہ کعبہ کودیکھ کرچینخ نکل گئی تھی۔
انہوں نے لکھا کہ روضہ رسول پرگیاتوآنکھوں سےآنسوجاری ہوگئےتھے۔یہ وہ جگہیں ہیں جہاں پہنچ کررونگٹےکھڑےہوجاتے،آج روضہ رسول پرجوکچھ ہواوہ دیکھ کےاےاللہ میں پوری امت کی طرف سےتجھ سےمعافی مانگتاہوں۔
دیگر سیاسی اور سماجی اور مذہبی علما کی جانب سے بھی واقعے پر افسوس کا اظہار کیا جارہاہے،وزیراطلاعات مریم اورنگزیب نے کہا کہ مسجد نبوی کا تقدس پامال کرنے والوں کے لیڈر نے انہیں بدتمیزی کے سوا کچھ نہیں سکھایا،اس شخص کا نام اس پاک سرزمین پر لینا نہیں چاہتی جس نے معاشرے میں بگاڑ پیدا کردیا،پاک سرزمین کو سیاست کے لئے استعمال کرنا نہیں چاہتی۔