معروف صحافی و تجزیہ کار کامران خان کا کہنا ہے کہ ایک طرف سیلاب نے ملک کا انفرااسٹرکچر تباہ کر دیا ہے، معیشت اور سیاست کا ستیاناس ہو گیا ہے جبکہ حکومت کی اولین ترجیح یہ ہے کہ عمران خان کو دہشت گرد قرار دے دیا جائے۔
اینکر پرسن کامران خان نے کہا کہ کوئی تسلیم کرے یا نہ کرے حقیقت یہی ہے جس کی پیشگوئی ملکی و غیر ملکی میڈیا کر رہا ہے کہ عمران خان آئندہ انتخابات کے نتیجے میں دو تہائی اکثریت کے ساتھ دوبارہ حکومت بنانے جا رہے ہیں ایسے شخص کو ملکی سیاست سے نکالنا ناممکن ہے۔
کامران خان نے عمران خان کو بھی مشورہ دیا کہ وہ کوئی ایسی پالیسی بنائیں اور کچھ نہیں تو مستقبل کے وزیراعظم کے طور پر ہی موجودہ حکومت کے ساتھ بیٹھیں اور سیلاب سے ملک کو بچانے اور اس کی بحالی کا پروگرام تشکیل دیں پھر ہی پاکستان کو امداد ملے گی۔
تجزیہ کار نے کہا کہ نہ سمجھےتومٹ جاؤگے قوم کے ناخداؤں آفت قیامت ہے، سیلاب 10 لاکھ گھر بہا لے گیا 3500 کلومیٹرسڑکیں غائب آدھی فصلیں تباہ ہو گئی ہیں۔ سب بمع خان صاحب ہوش کے ناخن لیں۔