شہبازشریف سمیت پانچوں وزرائے اعلیٰ مساوی بےاختیار ہیں،وسعت اللہ خان

[Kashif Rafiq]

بھٹو صاحب زیرک آدمی تھے۔ انھوں نے دو منٹ مجمع کے مزاج کو تولا اور کہا کہ ٹھیک ہے، منظور نہیں تو نہ سہی۔ جہنم میں جائیں۔۔۔

اور پھر دو برس بعد اسلامی سربراہ کانفرنس کے سٹیج سے جب بنگلہ دیش کی منظوری کا اعلان ہوا تو ان ہی ووٹروں نے اس اعلان کا خیرمقدم کیا۔

لیکن وہ بھٹو تھا۔ کارکنوں اور ووٹروں کو اعتماد تھا کہ بھلے کتنے ہی کڑوے فیصلے کر لے مگر ہمیں کم از کم نہر کے کنارے پر لا کر خرکاروں کے ہاتھوں کبھی نہیں بیچے گا۔

کیا آج کی قیادت پر بھی جیالوں کو پورا چھوڑ آدھا بھروسہ ہے کہ وہ کم ازکم بنیادی عوامی مفادات کا سودا نہیں کرے گی؟

پیکا کے ترمیمی قانون کو پارلیمنٹ کے دونوں ایوانوں سے باآسانی منظور کروانے میں مدد دینے کے بعد سندھ سمیت ہر جگہ صحافیوں اور یوٹیوبروں کے خلاف پرچے کٹ رہے ہیں مگر پیپلز پارٹی کی صفِ دوم کی قیادت اور ارکانِ پارلیمان پیکا قوانین کو بدستور فسطائیت کا مظہر کہہ رہے ہیں۔

سول سوسائٹی، انسانی حقوق کی تنظیموں اور صحافیوں کی سمجھ میں یہی نہیں آ رہا کہ اس نوٹنکی پر ہنسیں کہ روئیں۔

عالم یہ ہے کہ بلوچستان کا گلے میں پڑا ڈھول اجرتی ڈنڈوں سے بجانا پڑ رہا ہے۔

سندھ کا ووٹر اس بھول بھلیاں میں پھنسا ہوا ہے کہ صدرِ مملکت نے گذشتہ برس پہلے تو آٹھ جولائی کو زراعت میں خودکفالت کے دعوے دار ’سرسبز پاکستان‘ منصوبے کی بریفنگ پر اطمینان کا اظہار کرتے ہوئے اس منصوبے کی بنیاد شش نہری نظام کو تیزی سے پایہ تکمیل تک پہنچانے کی تلقین کی۔

اور پھر ان ہی صدرمملکت نے پارلیمنٹ کے مشترکہ اجلاس سے خطاب کرتے ہوئے اہم فیصلوں میں عدم شراکت داری اور تمام وفاقی اکائیوں کو اعتماد میں نہ لینے کا شکوہ کیا۔

آدمی ان میں سے کس بات پر یقین کرے؟

سندھ میں پیپلز پارٹی کے لیے کوئی اطمینان بخش امید ہے تو بس یہ کہ اس کے مخالفین اکثر وہ ہیں جو اپنے بل بوتے پر کونسلر کا الیکشن بھی نہیں جیت سکتے مگر اس ملک یا کسی صوبے میں اقتدار کی ادلا بدلی کی گیم میں سیٹوں کی کم زیادہ تعداد کب رکاوٹ بنی؟

مجھے وزیرِاعلیٰ سندھ کا یہ کہنا اچھا لگا کہ وزیرِ اعظم شہباز شریف نہروں کی تعمیر کی منسوخی کا اعلان کریں۔حالانکہ وزیرِاعلیٰ کو بھی اچھے سے معلوم ہے کہ جس سے وہ مطالبہ کر رہے ہیں وہ بھی اہم فیصلہ سازی میں اتنا ہی بااختیار ہے جتنے خود مراد علی شاہ۔

بلکہ یوں کہنا چاہیے کہ اس وقت وفاقِ پاکستان میں شہباز شریف کو ملا کے پانچ وزرائے اعلی ہیں اور سب کے سب ’مساوی‘ بےاختیار ہیں۔

اس پر طرہ یہ کہ پیپلز پارٹی کی اعلی قیادت ہر ہفتے کسی نہ کسی رکنِ پارلیمان کو یہ کہنے کے لیے آگے کر دیتی ہے کہ اگر معاملات یونہی یکطرفہ چلتے رہے تو ہم اپنا راستہ الگ کر لیں گے۔ مگر یہ ہو گا کیسے؟

اگر یہ گمان ہے کہ آپ اپنی مرضی سے موجودہ ہائبرڈ ڈھانچے سے باہر نکل جائیں گے تو یہ فیصلہ بھی ان کی رضامندی کے بغیر کیسے ممکن ہے جنھوں نے آپ کو موجودہ سیٹ اپ کا ستون بنایا۔

خودمختار سیاسی فیصلے تب ہی ممکن ہیں جب تکیے میں فارم 47 کے بجائے ووٹ بھرے ہوں مگر مسلسل عوامی سیاست فی زمانہ خسارے کا کاروبار ہے۔

اور یہ راز مسلم لیگ ن سے بہتر کون جانتا ہے کہ کسی پولٹیکل انڈسٹریل سٹرٹیجک کارٹیل کا حصہ بننے کے بعد کوئی سیاسی لمیٹڈ کمپنی اپنے بنیادی شئیر ہولڈرز کے علاوہ کسی کو جوابدہ نہیں رہتی۔

موجودہ پیپلز پارٹی کا بھی یہی بزنس ماڈل ہے۔

چار اپریل اور پیپلز پارٹی کی مجبوریاں: وسعت اللہ خان کی تحریر - BBC News اردو

اگر پیپلز پارٹی کو یہ گمان ہے کہ آپ اپنی مرضی سے موجودہ ہائبرڈ ڈھانچے سے باہر نکل جائیں گے تو یہ فیصلہ بھی ان کی رضامندی کے بغیر کیسے ممکن ہے جنھوں نے آپ کو موجودہ سیٹ اپ کا ستون بنایا۔

www.bbc.com

​

 

[Dr Adam]

رائیس الکھسیان علی امین گنڈاپور کی حد تک یہ بات ١٠٠ فیصد درست ہے . دوسرے بوٹ پالشیوں کے متعلق کوئی رائے نہیں ​