پشتونخوا ملی عوامی پارٹی کے سربراہ اور اپوزیشن اتحاد تحریک تحفظ آئین کے رہنما محمود خان اچکزئی نے حکومت اور پاکستان تحریک انصاف (پی ٹی آئی) کے درمیان مذاکرات کے عمل پر سوالات اٹھا دیے ہیں۔
اسلام آباد میں میڈیا سے گفتگو کرتے ہوئے محمود خان اچکزئی کا کہنا تھا کہ جب حکومت کے پاس جائز مینڈیٹ نہیں ہے تو اس سے کس بات کے مذاکرات ہو رہے ہیں؟ ان کا کہنا تھا کہ اگرچہ وہ مذاکرات کی کامیابی کے لیے دعا کریں گے، لیکن جہاں معاملہ اس سطح پر ہو، وہاں دعا قبول نہیں ہوتی۔
محمود خان اچکزئی نے مزید کہا کہ شہباز شریف ان کے دوست ہیں، لیکن وہ مشرف کے وزیراعظم بننے کے لیے بھی تیار تھے۔ ان کا یہ بھی کہنا تھا کہ نواز شریف نے ہمت کرکے شہباز شریف کو روکا تھا، لیکن اب نواز شریف بھی پیچھے ہٹ چکے ہیں۔
واضح رہے کہ حکومت اور پی ٹی آئی کے درمیان مذاکرات کے دو دور ہو چکے ہیں، اور ان کی سربراہی اسپیکر قومی اسمبلی ایاز صادق کر رہے ہیں۔
- Featured Thumbs
- https://www.siasat.pk/data/files/s3/7achakzaishehbajshjhs.png
