عدالتی احکامات کا ایسے ہی مذاق اڑایا جانا ہے تو سرکاری طور پر اس کا اعلان کر دینا چاہیے: مونس الٰہی
لاہور ہائیکورٹ کی طرف سے سابق وزیراعلیٰ پنجاب چودھری پرویز الٰہی کو رہا کرنے کا حکم دیتے ہوئے کسی اور مقدمے میں گرفتار نہ کرنے کا حکم جاری کیا گیا تھا۔ ذرائع کے مطابق لاہور ہائیکورٹ سے نکل کر جیسے ہی پرویز الٰہی کینال روڈ پر پہنچے تو انہیں 3 ایم پی او کے تحت اسلام آباد پولیس نے پھر سے گرفتار کر لیا۔ پرویز الٰہی کو پولیس اہلکاروں نے ہاتھوں اور ٹانگوں سے اٹھا کر گاڑی میں بٹھایا اور ہیلی کاپٹر کے ذریعے اسلام آباد لے گئے جہاں 15 دنوں کیلئے اڈیالہ جیل رکھا جائے گا۔
ہائیکورٹ کے احکامات کے باوجود سابق وزیراعلیٰ پنجاب پرویز الٰہی کی گرفتاری اور ان کے ساتھ کیے جانے والے سلوک پر سماجی رابطوں کی ویب سائٹس پرشدید تنقید کی جا رہی ہے۔ سینئر صحافی وتجزیہ نگار مہر بخاری نے ردعمل دیتے ہوئے لکھا کہ: اک برقِ بلا کوند گئی سارے چمن پر، تم خوش کہ مری شاخِ نشیمن ہی جلی ہے!
سینئر صحافی علی ممتاز نے لکھا کہ: آج گرفتاری میں پان والا بھی تھا، کوئی بتا سکتا ہے اس کی پان کی دکان کہاں ہے؟گرفتاری کے وقت پیچھے کھڑے سینئر پولیس افسر کو لگتا ہے تمباکو والا کھلا دیا تھا!
ایک صارف نسیم کھیڑا نے لکھا کہ: لاہور لائی کورٹ کا ججز کے حکم کا جنازہ ہے ، ذرا دھوم سے نکلنا چاہیے، پرویز الٰہی کو جھکانے کے لئے آئین جھکایا جارہا ہے!
ایک صارف کامران وحید نے لکھا کہ: یہ پرویز الٰہی کو گاڑی سے نکال کے اٹھا کر نہیں لے جایا جا رہا بلکہ لاہور ہائی کورٹ کے آڈرز کا جنازہ اٹھا کر لے جایا جا رہا ہے!
سینئر صحافی مقدس فاروق اعوان نے پرویز الٰہی کی گرفتاری کی ویڈیو شیئر کرتے ہوئے ردعمل دیتے ہوئے لکھا کہ: ظلم کی انتہا ہو چکی ہے، پہلے لطیف کھوسہ کو گھسیٹ کر باہر نکالا گیا پھر بزرگ سیاستدان چوہدری پرویز الٰہی کو جس طرح گاڑی سے نکالا گیا وہ ناقابل بیان ہے ، خود ہی دیکھ لیجیے!
سینئر صحافی شاکر محمود اعوان نے ردعمل دیتے ہوئے لکھا کہ: جن لوگوں نے چودھری پرویز الٰہی کو اٹھایا ہے ان لوگوں کو میں جانتا ہوں، اگر میں نے بتا دیا تو میں بھی اٹھا لیا جائوں گا۔ یہ اسلام آباد پولیس کے اہلکار نہیں ہیں، چودھری پرویز الٰہی کے ساتھ کیا جانے والا سلوک انتہائی افسوسناک ہے۔
ایک صارف ارسلان بلوچ نے ردعمل دیتے ہوئے لکھا کہ: ملک میں کوئی قانون نہیں ہے،پرویز الٰہی کو اٹھا کر گاڑی میں ڈال کر لے گئے۔جج صاحب ہن آرام اے؟ اپنے فیصلوں پر عملدرآمد نہیں کروا سکتے تو استعفیٰ دے دیں!
چودھری پرویز الٰہی کے صاحبزادے مونس الٰہی نے ان کی دوبارہ سے گرفتاری کو اغوا قرار دیتے ہوئے اپنے ٹوئٹر پیغام میں لکھا کہ: لاہور ہائیکورٹ کے حکم کے بعد جج کی ہدایات پر پولیس اہلکاروں سمیت عدالتی سکیورٹی اہلکار میرے والد کو گھر لے کر گئے۔ پرویز الٰہی کی گاڑی جیسے ہی ہماری گلی میں داخل ہوئی تو روک کر انہیں اغوا کر لیا گیا۔ عدالتی احکامات کا ایسے ہی مذاق اڑایا جانا ہے تو سرکاری طور پر اس کا اعلان کر دینا چاہیے۔
- Featured Thumbs
- https://www.siasat.pk/data/files/s3/6prsmsradamlslkssl.jpg
