![khan-pti-pervaiz-khatak.jpg](https://www.siasat.pk/data/files/s3/khan-pti-pervaiz-khatak.jpg)
تحریک انصاف کے رہنما اور سابق وفاقی وزیر پرویز خٹک کا کہنا ہے عمران خان کہیں تو 15 منٹ میں وفاقی حکومت گرا سکتے ہیں۔ نوشہرہ میں جلسے سے خطاب کرتے ہوئے پرویز خٹک کا کہنا تھا کہ پنجاب میں حکومت کا خاتمہ کر سکتے ہیں تو وفاقی حکومت کا بھی خاتمہ کر سکتے ہیں۔
جلسے سے خطاب میں سابق وفاقی وزیر دفاع پرویز خٹک نے دعویٰ کیا کہ عمران خان کہیں تو وفاقی حکومت 15 منٹ میں گرا سکتے ہیں۔ سربراہ پی ڈی ایم کو تنقید کا نشانہ بناتے ہوئے پرویز خٹک نے کہا کہ مولانا فضل الرحمان نے بیٹے کو وزیر بنا کر توجہ اسلام کے بجائے اسلام آباد پر مرکوز کر لی ہے۔
پرویز خٹک نے وفاقی حکومت کی عوام دشمن پالیسیوں پر تنقید کرتے ہوئے کہا کہ وفاقی کابینہ عالمی مالیاتی ادارے (آئی ایم ایف) کی خوشنودی کے لیے قوم پر مہنگائی بم گرا رہی ہے۔