پنجاب کے ضلع ساہیوال کے علاقے گلشن نور میں ڈاکٹر سید غضنفر بخاری کے پاس علاج کیلئے آنے والے مریض نے اپنی غربت کا حال بیان کیا تو ڈاکٹر نے فیس کے بدلے انٹرٹینمنٹ کی کلاس لگا لی۔
تفصیلات کے مطابق ڈاکٹر غضنفر کے کلینک پر مریض چیک اپ کیلئے آیا تو اس نے بتایا کہ وہ غریب ہے اور علاج کیلئے فیس دینے کے قابل نہیں۔ ڈاکٹر نے اس کا ذریعہ معاش دریافت کیا تو اس نے بتایا کہ وہ شادی بیاہ و دیگر تقریبات پر گانے کا کام کرتا ہے۔
ڈاکٹر نے اپنی فیس کے بدلے کلینک میں گانے بجانے کی کلاس لگا لی اور مریض کے لواحقین سے کہا کہ اگر فیس نہیں دے سکتے تو گانا سناؤ۔ اس پر مریض کے لواحقین گانا گانے لگے اور کلینک میں ہی ڈانس کرنے لگے۔ ڈاکٹر غضنفر خود بھی انکے ہمراہ رقص کرنے لگا۔
ذرائع ابلاغ کے مطابق اس کے بعد ڈاکٹر نے مریض سے فیس وصول نہیں کی اور اسے بغیر نقد فیس لیے ہی علاج کے بعد روانہ کر دیا۔