BeingPakistani
Minister (2k+ posts)
وفاقی وزیر نیشنل فوڈ سیکورٹی طارق بشیر چیمہ کا کہنا ہے کہ اسلام آباد میں 17 ہزار آٹے کے بیگز کا شارٹ فال ہے، صرف اسلام آباد کی حد تک آٹے کی قیمت کے حوالے سے جوابدہ ہوں۔
وفاقی وزیر نیشنل فوڈ سیکورٹی طارق بشیر چیمہ نے اسلام آباد میں پریس کانفرس کرتے ہوئے کہا کہ آٹے اور گندم کی قیمتوں کا تعین صوبائی حکومتیں کرتی ہیں۔ صوبوں میں مہنگائی کنٹرول کرنا حکومت کی ذمہ داری ہے۔ فلور ملز مصنوعی طور پر قیمتوں میں اضافہ کرتی ہیں۔
طارق بشیر چیمہ کا کہنا تھا فلور ملز اپنی صلاحیت کے مطابق آٹا نہیں بناتی۔ سندھ نے گندم کی سپورٹ پرائس چار ہزار مقرر کی۔ سپورٹ پرائس مقرر کرنے سے پہلے کسان کی لاگت کو دیکھا جاتا ہے۔ انہوں نے کہا چار ہزار سپورٹ پرائس پر مزدور آٹا کیسے خریدے گا۔
انہوں نے مزید کہا روزانہ کی بیناد پر فوڈ سیکورٹی کے ذخائر کو دیکھ رہے ہیں۔ جی ایم او سویابین زہریلی بیماری ہے ، کینسر ہے ، مرغی کھانا چھوڑ دو، میں مرغی نہیں کھاتا ، گوشت بھی نہیں کھاتا، جی ایم او سویابین کا پولٹری میں استعمال بیماری پھیلا رہا ہے۔
انہوں نے بتایا کہ 2015ء سے پہلے جی ایم او سویابین پولٹری فیڈ میں شامل نہیں تھی، اس کے بعد پولٹری مافیا نے چکر چلا کر مقامی سویا بین پر ٹیکسز لگوادیے جس سے امپورٹڈ سویابین سستی اور مقامی سویابین مہنگی ہوگئی، پھر انہوں نے جی ایم او سویابین درآمد کرنا شروع کردی۔
وفاقی وزیر نے پولٹری فیڈ میں استعمال ہونے والے سویا بین سے متعلق کہا کہ درآمد کنندگان ایک ارب کی درآمد کرکے 2 ارب روپے کماتے ہیں، امپورٹڈ سویابین مضرصحت ہے جو بیماری پھیلا رہی ہے، میری سختی کا یہ فائدہ ہوا کہ اب نان جی ایم او سویابین منگوائی جارہی ہے جو مضر صحت نہیں۔
- Featured Thumbs
- https://i.imgur.com/xZ6PaC6.jpg
Last edited by a moderator:
