سینئر تجزیہ کار صابر شاکر نے کہا ہے کہ اگر سپریم کورٹ کی ہدایت کے مطابق سیاسی جماعتوں میں اتفاق رائے پیدا نا ہوا تو سپریم کورٹ انتخابات سے متعلق اپنے فیصلے پر عمل درآمد کروائے گی۔
جی این این کے پروگرام خبر ہے میں خصوصی گفتگو کرتے ہوئے صابر شاکر نے کہا کہ حکمران جماعت کی جانب سے ایسی دھمکیاں پانامہ کے وقت بھی دی گئیں، اس وقت بھی دی گئیں جب گیلانی صاحب کا دور تھا کہ ہم خط نہیں لکھیں گے، سپریم کورٹ کا آرڈر تبدیل نہیں ہوگا، اگر سیاسی جماعتوں کے درمیان کسی ایک تاریخ پر اتفاق نا ہوا تو سپریم کورٹ اپنے حکم پر عملدرآمد کروائے گی۔
انہوں نے مزید کہا کہ اس حوالے سے آئندہ آنے والے ایک دو روز میں آپ کو اشارے ملنا بھی شروع ہوجائیں گے، مذاکرات سے وہ بھاگتا ہے جو جھوٹا ہوتا ہے او وہ یہ چاہتا ہے کہ مقدمہ چلتا رہے، لڑائی مار کٹائی چلتی ہے اور کوئی فیصلہ نا ہو، سب سے پہلے مذاکرات کی آواز خود حکمران اتحاد میں سے زرداری صاحب نے اٹھائی تھی۔
صابر شاکر نے کہا کہ حکمران اتحاد میں شامل پیپلزپارٹی، ایم کیو ایم، بی اے پی، مسلم لیگ ق اور دیگر اہم جماعتیں مذاکرات اور انتخابات کے حق میں ہیں۔
پروگرام کے میزبان سینئر صحافی و تجزیہ کار عارف حمید بھٹی نے مبہم انداز اپناتے ہوئے کہا کہ آپ کی شرٹ کے کالر میں 15 رنگ ہیں، 7ایک طرف ہیں اور 8 دوسری طرف ہیں، اب 8 میں سے دو کو نکالنے کی کوشش کی جارہی ہے مگر آپ اچھے لگ رہے ہیں۔
- Featured Thumbs
- https://www.siasat.pk/data/files/s3/10sabirshahakisisisisis.jpg
