امریکہ، برطانیہ ودیگر ملکوں میں اوورسیز پاکستان کو سروسز دینے کیلئے اقدامات کیے جائیں: مریم نوازشریف
بورڈ آف ریونیو کی اصلاحات سے متعلق خصوصی اجلاس آج وزیراعلیٰ پنجاب مریم نوازشریف کی زیر صدارت ہوا جس میں انہیں پنجاب لینڈ ریکارڈ اتھارٹی کے امور بارے بریفنگ دی گئی۔
مریم نوازشریف نے صوبہ پنجاب میں سرکاری زمین کی لیز کا ریکارڈ طلب کرتے ہوئے ہر ڈسٹرکٹ میں اراضی سہولت مرکز قائم کرنے کی ہدایات جاری کر دی ہیں۔ مریم نوازشریف نے اجلاس میں اوورسیز پراپرٹی ٹرانسفر سروس شروع کرنے کا اعلان بھی کیا۔
وزیراعلیٰ پنجاب مریم نوازشریف نے ہدایت کی ہے کہ اوورسیز پراپرٹی ٹرانسفر سروس میں شہریوں کو رجسٹریشن، میوٹیشن اور فرد بنانے کی سہولت فراہم کی جائے گی۔ اوورسیز پاکستانی شہریوں کے لیے پراپرٹی ٹرانسفر سروس شروع کرنے کا اعلان کرتے ہوئے کہا کہ اوورسیز پاکستانیوں کے لیے سروسز کے لیے ٹائم لائن کی پابندی کو یقینی بنایا جائے۔
مریم نوازشریف نے اجلاس میں گفتگو کے دوران کہا کہ امریکہ، برطانیہ ودیگر ملکوں میں اوورسیز پاکستان کو سروسز دینے کیلئے اقدامات کیے جائیں، اجلاس میں مینجمنٹ آف سٹیٹ لینڈ کا بزنس پلان بھی پیش کیا گیا۔ وزیراعلیٰ پنجاب نے ہدایت کی کہ صوبہ پنجاب میں سرکاری زمین کی لیز کا مکمل ریکارڈ فراہم کیا جائے، مزید کہا کہ 30 جون 2024ء تک اراضی سہولت مرکز کو شروع کر دیا جائے گا۔
مریم نوازشریف کی زیرصدارت بورڈ آف رینیو کی اصلاحات بارے بھی خصوصی اجلاس منعقد ہوا جس میں انہوں نے سرکاری زمین کی لیز کا ریکارڈ طلب کرتے ہوئے ہر ڈسٹرکٹ میں اراضی سہولت مرکز قائم کرنے کی ہدایت کی۔ مریم نواز کا کہنا تھا کہ پنجاب میں موجود صنعتوں کا ڈیٹا اور فیچر انڈسٹری کے اعدادوشمار مرتب کیے جائیں اور مارکیٹ کی ضروریات کا تعین کر کے انڈسٹریل سیکٹر کی نشاندہی کرنے کی بھی ہدایات جاری کیں۔
