سپریم کورٹ کے وکیل اور توشہ خانہ میں عمران خان کی نمائندگی کرنے والے شیر افضل خان مروت نے الزام عائد کیا ہے کہ مہر بخاری نے انٹرویو ریکارڈ ہونے کے بعد اور نشر ہونے سے قبل تمام سوالات تبدیل کردیے ہیں۔
تفصیلات کے مطابق توشہ خان ریفرنس کیس میں سابق وزیراعظم عمران خان کے وکیل شیر افضل خان مروت نےدو روز قبل 12 جولائی کو اے آروائی نیوز کے پروگرام میں سینئر اینکر پرسن مہر بخاری کو خصوصی انٹرویو دیا تھا جو 12 جولائی کو رات ساڑھے 10 بجے کے بعد نشر کیا گیا، انٹرویو کےدوران شیر افضل خان نے توشہ خانہ ریفرنس اور عدالتی کارروائی کے حوالے سے پوچھے گئے سوالات کے جوابات دیئے۔
آج شیر افضل خان مروت مائیکروبلاگنگ ویب سائٹ ٹویٹر پر جاری اپنے بیان میں کہا کہ مہر بخاری نے میرا انٹرویو ساڑھے 9 بجے ریکارڈ کیا جو ایک گھنٹے بعد نشر ہوا، تاہم میں یہ دیکھ کر حیران رہ گیا کہ انٹرویو کے وقت مجھ سے پوچھے گئے تمام سوالات ان سوالوں سے تبدیل کردیئے گئے جو مجھ سے پوچھے ہی نہیں گئے، ناظرین سوالات اور جوابات میں فرق سے یہ بات باآسانی نوٹ کرسکتے ہیں۔
انہوں نے مزید کہا کہ یہ مہر بخاری کی طرف سے بے ایمانی اور پیشہ ورانہ بددیانتی کے زمرے میں آتا ہے، میری خواہش ہے کہ وہ حقیقت میں بھی اتنی ہی جارحانہ ہوتیں۔
شیر افضل خان مروت نے پروگرام کا ایک کلپ بھی شیئر کیا جس میں مہر بخاری ان سے سخت سوالات پوچھتی ہوئی دکھائی دے رہی ہیں اور شیر افضل خان کے دوران سماعت اپنائے گئے موقف اور جج صاحب سے ہونے والی تلخ کلامی پر سخت سوالات اٹھا تی دکھائی دے رہی ہیں۔
مہر بخاری کے اس طرز عمل پر سوشل میڈیا صارفین کافی تنقید کر رہے ہیں۔
- Featured Thumbs
- https://www.siasat.pk/data/files/s3/14marwatmwharbukahri.jpg
Last edited:
ہم نے تو اسی دن ہی اس بکری کی بے بے دیکھنا بند کردیا تھا جس دن ملک ریاض کا پلانٹس انٹرویو کرتے ہوئے پکڑی گئی تھی
