پی ٹی آئی کے چیئرمین، سابق وزیرِاعظم عمران خان کی سابق اہلیہ جمائما گولڈ اسمتھ کا کہنا ہے کہ کاش میری ارینج میرج ہوئی ہوتی تو یہ مجھ پر احسان ہوتا۔
برطانوی میڈیا کو انٹرویو میں انہوں نے کہا ہے کہ عمران خان سے شادی کرتے وقت مجھے بلند اخلاقی معیار کی تلاش تھی۔ مگر سب سوچتی ہوں کہ اگر میرے والدین سمجھ دار ہوتے تو میری شادی طے کرتے۔
پی ٹی آئی کے چیئرمین، سابق وزیرِ اعظم عمران خان کی سابق اہلیہ کا یہ بھی کہنا ہے کہ شادی کے خلاف نہیں، یہ بڑی سرمایہ کاری مگر کم منافع والی چیز ہے۔
واضح رہے کہ 49 سالہ جمائما نے 21 برس کی عمر میں عمران خان سے شادی کی تھی۔
جمائما کی نئی فلم "واٹس لوو گاٹ ٹو ڈو ود اٹ" حال ہی میں ریلیز ہوئی ہے جو پاکستان میں گزرے ان کے وقت کا احاطہ کرتی ہے۔
جمائما نے فلم عمران خان سے 9 برس تک رہی شادی کے دور سے متاثر ہو کر بنائی ہے، فلم میں لو اور ارینج میرج کو بھی موضوع بنایا گیا ہے۔
فلم میں یہ بھی دکھایا گیا ہے کہ جمائما کی والدہ لیڈی اینابیل سے سرجیمز گولڈ اسمتھ کا افیئر رہا تھا، تاہم سر جیمز گولڈ اسمتھ نے اینابیل کو چھوڑ کر دوسری شادی کر لی تھی۔
سرجیمز گولڈ اسمتھ کہتے تھے کہ محبوبہ سے شادی کرنے والا نئی اسامی پیدا کرتا ہے۔
- Featured Thumbs
- https://www.siasat.pk/data/files/s3/5jemimaaamamammarriage.jpg
