پاکستانی اداکارہ نرگس نے اپنے شوہر ماجد بشیر کو تشدد کیس میں معاف کر دیا۔
ماجد بشیر نے گزشتہ سال نومبر میں نرگس پر شدید تشدد کیا تھا، جس کے بعد نرگس نے تھانہ ڈیفنس سی میں تشدد کا مقدمہ درج کرایا۔ ماجد بشیر اس کیس میں ابھی تک ضمانت پر تھے۔
اداکارہ نرگس نے بتایا کہ خاندان کے بڑوں کی مداخلت پر انہوں نے ماجد بشیر کو معاف کیا ہے، تاہم اس معافی کی ایک شرط رکھی گئی ہے کہ تین سال تک دونوں ایک دوسرے کے ساتھ نہیں رہیں گے اور نہ ہی آمنے سامنے آئیں گے۔
نرگس کی کردار کشی کے معاملے میں ایف آئی اے نے 6 یو ٹیوبرز کو طلب کر لیا۔
نرگس نے مزید کہا کہ اگر ماجد بشیر نے معاہدے کی خلاف ورزی کی تو وہ شرعی علیحدگی اختیار کر لیں گی۔ انہوں نے کہا کہ ان کے بچے اور خاندان والے ناراض ہیں، مگر بڑوں کے کہنے پر انہوں نے شوہر کو معاف کیا اور عدالت میں صلح نامے کا بیان حلفی جمع کروا دیا ہے۔
انہوں نے بتایا کہ وہ باقی زندگی اپنے بیٹے مرتضیٰ اور بیٹی معصومہ کے لیے گزارنا چاہتی ہیں۔
- Featured Thumbs
- https://www.siasat.pk/data/files/s3/nargis-case-majid.jpg