نوازشریف کے مینار پاکستان جلسہ کے بعد گیلپ پاکستان نے سروے جاری کیا ہے جس میں سوال کیا گیا کہ آپ نے نوازشریف کی تقریر سنی؟جس پر اکثریت نے رائے دی کہ انہوں نے نوازشریف کی تقریر نہیں سنی
گیلپ سروے کے مطابق 65 فیصد لوگوں کا کہنا ہے کہ انہوں نے نوازشریف کی تقریر نہیں سنی، 34 فیصد نے ہاں میں جواب دیا جبکہ ایک فیصد نےکوئی جواب نہیں دیا
گیلپ کے سروے کا اہم پوائنٹ میں نے آپ کو بتا دیا ہے، 65 فیصد افراد نے تقریر ہی نہیں سُنی، باقی سارا سروے جی۔۔آہو!، آپ سمجھدار ہیں،جیسے میڈیا رپورٹنگ کرتا ہے ویسے ہی ہے،بنیادی بات یہ ہے کہ جناب لوگوں نے سُنا ہی نہیں اور نہ ہی دلچسپی لی، ڈیل کا سوال پوچھا تو 26 فیصد کہتے ہیں ہاں جبکہ 34 فیصد کہتے ہیں پتہ نہیں، یہ جن کو پتہ نہیں سب پتہ ہے۔۔۔!!!
گیلپ نے سوال کیا کہ نوازشریف ڈیل کرکے واپس آئے ہیں؟ 26 فیصد لوگوں نے ہاں میں جواب دیا جبکہ 34 فیصد لوگوں کا کہنا ہے کہ انہیں پتہ نہیں ہے، 21 فیصد نے رائے دی کہ ڈیل نہیں ہوئی ۔
سروے کے شرکاء سے سوال یہ کیا گیا کہ کونسا لیڈر معیشت کو بہتر کرسکتا ہے؟ 30 فیصد نے نوازشریف کے حق میں جبکہ 22 فیصد نے عمران خان کے حق میں رائے دی، 30 فیصد نے کہا کہ انہیں نہیں معلوم
سروے کے مطابق 80 فیصد لوگوں کو نوازشریف کی تقریر پسند آئی جبکہ 11 فیصد کو پسند نہیں آئی اور 9 فیصد نے اپنی رائے کا اظہار نہیں کیا۔