نو مئی جی ایچ کیو حملہ کیس:توڑ پھوڑ کی تصاویر اور مالی نقصان کی رپورٹ عدالت

1738402598488.png


راولپنڈی: 9 مئی جی ایچ کیو حملہ کیس سے متعلق تصاویر اور پہنچنے والے نقصان کے تخمینے کی رپورٹ عدالت میں پیش کر دی گئی۔


نو مئی جی ایچ کیو حملہ کیس کی سماعت انسداد دہشت گردی عدالت کے جج امجد علی شاہ نے کی، جس دوران بانی پی ٹی آئی عمران خان کو کمرہ عدالت میں پیش کیا گیا۔


اس کیس میں مزید دو گواہان کے بیانات قلم بند کیے گئے، جن میں کانسٹیبل عمران اور ایس ڈی او اویس شاہ شامل ہیں۔


گواہ کانسٹبل عمران نے جی ایچ کیو حملہ کیس کی تصاویر عدالت میں پیش کیں، جبکہ گواہ اویس شاہ کی جانب سے جی ایچ کیو گیٹ پر توڑ پھوڑ کا تخمینہ رپورٹ عدالت میں پیش کی گئی۔


عدالت کو بتایا گیا کہ جی ایچ کیو گیٹ پر توڑ پھوڑ سے 7 لاکھ 80 ہزار روپے کا نقصان ہوا۔


جی ایچ کیو حملہ کیس کے شواہد پر مشتمل 13 یو ایس بیز بھی عدالت میں جمع کروائی گئیں، اور عدالت نے کہا کہ وکلا صفائی یو ایس بی کی کاپیاں حاصل کر سکتے ہیں۔


عدالت نے اضافی رپورٹس ملزمان کو نہ دینے پر ایس ایس پی آپریشنز کو طلب کیا۔ یہ رپورٹس ایف آئی اے، پیمرا، انٹرنل سکیورٹی اور پی آئی ڈی کی ہیں۔


ایس ایس پی آپریشنز سماعت کے دوران عدالت نہ پہنچ سکے، جس پر عدالت نے پولیس کو آئندہ سماعت سے پہلے اضافی رپورٹس وکلا صفائی کو دینے کی ہدایت کی۔ ساتھ ہی بشریٰ بی بی کی 26 نومبر کے 31 مقدمات میں عبوری ضمانت میں 8 فروری تک توسیع کر دی۔


انسداد دہشت گردی عدالت نے 9 مئی جی ایچ کیو حملہ کیس 6 فروری تک ملتوی کر دیا، جبکہ جج امجد علی شاہ نے 8 فروری سے قبل بشریٰ بی بی کو 31 مقدمات میں شامل تفتیش کرنے کی ہدایت دیتے ہوئے کہا کہ 8 فروری کو بشریٰ بی بی کو عدالت کے سامنے پیش کیا جائے۔
 

Dr Adam

Prime Minister (20k+ posts)



عدالت کی آنکھوں میں مٹی جھونکنے کے لیے ان "سٹِل" تصاویر سے کوئی فرق نہیں پڑے گا . جائے وقوعہ کی "اِن ایکشن" فوٹیح چاہیے جسکے بغیر بات نہیں بنے گی
 

Nazimshah

Senator (1k+ posts)
Jab sai illegal regime aor badmash mulk par qabiz hai, Jani aor Mali nuqsan Ka report kab pesh Kia jayega
 

Back
Top